पाेखरा ।
हिन्दु नेपाली नारीहरुको महान पर्व हरितालिका तीजको शुभकामना सहित लोकप्रिय दोहोरी गायक अर्जुन सापकोटाको आवाजमा रहेको नयाँ तिज गित ‘भाऊ बढ्यो’ डिजिटल बजारमा सार्वजनिक भएको छ ।
सुप्रसिद्ध दोहोरी गायक अर्जुन सापकोटा र म्युजिक भिडियो निर्देशक स्मृति तिमिल्सिना ‘गुरुआमा’ले गाएको गितमा गितकार सुमन ढकालको उत्कृष्ट शब्द सृर्जना एवम् गायक सापकोटाकै लय रचना रहेको छ । गितमा विश्वास नेपालको संगित संयोजन रहेको छ । निकै मौलिक शब्दहरुमा सजिएको उक्त गितमा समसामायिक घटनामा आधारित सामाजिक यथार्थका विषयबस्तु चित्रण गरिएको छ ।
मह्गी बढे संगै जनजिवनमा आएको कष्टकर अवस्थाको कथावस्तु गितमा दर्शाईएको छ । गितमा डिजेल, पेट्रोलको भाऊ बढेको, खानेतेलको भाऊ बढेको, स्कुल कलेजको भाऊ बढेको, लुगाकपडाको भाऊ बढेको भन्दै गितकार ढकालले समसामायिक प्रंसग उतारेका छन् । सरकारले हरेक क्षेत्रमा मह्गी बढाएर गरिब जनताले विहान वेलुकी छाक टार्न पनि धौ धौ भएको विषय गितमा प्रस्तुत गराईएको छ भने आफ्नो स्तर भन्दा माथि गएर अनावश्यक खर्च नगर्न पनि जनचेतनामुलक सन्देश प्रवाह गरिएको छ ।
गित सृजना गर्न माहिर सापकोटा बुढा बृद्ध,युवा देखि बालबालिकासम्म निकै नै प्रभावित हुने गरेका छन् । गीतको भाव अनुसार म्युजिक भिडियो पनि उत्तिकै मिठासपूर्ण ढंगले तयार पारिएको हुन्छ । गितको अडियो र भिडियो दुवै उत्कृष्ट वनेको छ ।
स्मृति तिमिल्सिना ‘गुरुआमा’को उत्कृष्ट कथावस्तु एवम् निर्देशन मा तयार पारिएको उक्त गितको म्युजिक भिडियोमा अर्जुन सापकोटा, स्मृति तिमिल्सिना र सुमन ढकालको अभिनय रहेको छ । जहाँ सुमन र स्मृति दिदिभेना र अर्जुन भाईको भुमिकामा देखिएका छन् । अत्यन्तै उत्कृष्ट शैलीमा तयार पारिएको गितको म्युजिक भिडियोलाई सुरेश श्रेष्ठले छांयाकन एवम् प्रकाश धमलाले सम्पादन गरेका छन् ।
गित Arjun Sapkota अफिसियल युटुव च्यानलबाट सार्वजनिक गरिएको छ । गितको पुरा म्युजिक भिडियो :
