SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/४/१३ गते
    १३५३ &#२३४६;&#२३३५;&#२३२५;

    काठमाण्डौ – कोरोना महामारीले रोकिएको दक्षिण कोरियाको रोजगारी छिट्टै सुरु हुने भन्दै भ्रामक हल्लाको पछि नलाग्न वैदेशिक रोजगार विभाग, ईपीएस कोरिया शाखाले अनुरोध गरेको छ ।

    पछिल्लो समय दक्षिण कोरिया रोजगारीको प्रक्रिया सुरु हुने सम्बन्धमा सामाजिक सञ्जालमा विभिन्न भ्रमपूर्ण समाचारहरू शेयर गर्ने र कार्यालयका कर्मचारीलाई समेत गाली गलौज गर्ने गरेको भन्दै शाखाले यस्तो कार्यले ईपीएस प्रणालीलाई नकारात्मक असर पर्ने भन्दै यस्तो कार्य नगर्न र धैर्य गरी ईपीएस कोरिया शाखाको आधिकारीक सूचनाको मात्र विश्वास गर्न आग्रह गरेको हो ।

    कोरोना महामारीको समयमा पनि कोरिया सरकारले तोकेका मापदण्ड पूरा गरी श्रमिक पठाउने तयारी भइरहेको विभागले जनाएको छ ।

    कोरोना महामारीका कारण भएको लकडाउन, अन्तर्राष्ट्रिय उडान बन्द लगायतका कारण दक्षिण कोरियामा नियमित तथा कमिटेड व्यक्तिहरूको उडान प्रक्रिया रोकिएको छ । अहिले नेपाल सरकारले सबै उडानहरू खुलाए पनि कोरोना सङ्क्रमण बढिरहेको छ । जसको कारण कोरिया सरकारले नेपाली कामदार भित्र्याउन पनि रोक लगाएको छ । तर पछिल्लो पटक विभिन्न प्रयास पछि विभिन्न सर्तसहित नेपाली कामदार लैजान दक्षिण कोरिया सरकार राजी भएको छ ।

    कोरियाले नियमित सिधा उडान हुनुपर्ने, कोरोना बिमा हुनुपर्ने लगायत सर्त राखेको छ । जसअनुसार नेपालले यी प्रक्रिया पुरा गर्न तयार रहेको जानकारी पनि कोरिया सरकारलाई दिइसकेको विभागले जनाएको छ ।

    विभागका अनुसार कोरियाको रोग नियन्त्रण महाशाखाको विभिन्न स्वास्थ्यका मापदण्ड लगायतका सर्त पालना गरी कामदार लैजान प्रयास भइरहेको कोरिया सरकारले नेपाललाई जानकारी दिएको छ ।

    ईपीएस प्रणाली अन्तर्गत दक्षिण कोरियामा अहिलेसम्म ६५ हजारभन्दा धेरै नेपाली रोजगारीका लागि गएका छन् । कोरियामा नेपाली श्रमिकहरू रोजगारदाताको छनोटमा उच्च प्राथमिकतामा पर्छन् ।

    प्रतिकृया दिनुहोस्

    Loading...

    दुखद् खबर : पर्वतको परादीमा भएको टाटा सुमो दुर्घटनामा परी १३ जना घाइते

    पर्वत । पर्वतको कुश्मा नगरपालिका–८ चुवा स्थित परादी नजिकै भएको सवारी दुर्घटनामा परी १३ जना...

    कु.न.पा १० पिपलटारी मा नेकपा एमाले को प्यानल बिजयी

    रबिन सुबेदी,पर्वत । कुश्मा १० पिपलटारी को मतगणना सम्पन्न भएको छ । वडा अध्यक्षमा  रामचन्द्र...

    हार स्वीकारेर घर पुगेका उम्मेदवार तीन भोटले विजयी भएपछि…

    कैलाली । कैलालीको घोडाघोडी नगरपालिका-११ को मत गन्दागन्दै हार्ने सोचेर फर्केका जसपाका वडाअध्यक्ष उम्मेदवार दानसिंह...

    हेटौंडा उपमहानगरमा राप्रपाको अग्रता

    हेटौंडा उपमहानगरपालिकामा राष्ट्रिय प्रजातन्त्र पार्टी (राप्रपा)का उम्मेदवार दिपक बहादुर सिंहले अग्रता लिएका छन् । २२...

    तीव्र गतिमा लौरो, सुस्त गतिमा घाम, हेर्नुस् काठमाडौंको पछिल्लो मतपरिणाम

    काठमाडौं । काठमाडौं महानगरपालिकाको मेयरका उम्मेदवार बालेन शाहले फेरि मतान्तर बढाएका छन् । पछिल्लो मत...

    Loading…

    फेसबुकमा हामीलाई लाईक गरौं