अर्जुन पौडेल निर्जन | पर्वतमा वैशाख २८ गते राती १२ बजेदेखि जेठ ७ गतेसम्म पुर्ण रूपमा लकडाउन गर्ने सिसिएमसिकाे निर्णय!!यो निर्णय अहिले जस्तो फितलो नहोस।यो बिचमा यी कामहरु गरौ।
१.स्थानिय पालिकामा रहेका आइसोलेसनमा संक्रमितहरु आउन नमान्ने देखिएको छ।अप्ठ्यारो नहुने बेला सम्म घरमै बस्ने तर अप्ठ्यारो अबस्था भयो भने राम्रो डाक्टर को आशामा कुश्मा वा पोखरा काठमाडौं जान चाहने अवस्था बिधमान छ।त्यसैले गाउगाउमा बनाउन लागिएका आइसोलेशनको खर्च मिलाएर कुश्मामा राम्रो अक्सिजन सहितको ठुलो क्षमताको आइसोलेशन बनाउन पहल गरौ।
२.स्थानिय पालिकाहरुमा कार्यरत स्वास्थ्यकर्मिहरु लाई थोरै जना मात्र पालिकामा राखेर अरु सबै जिल्ला अस्पतालमा काजमा झिकाऔ।
३.स्थानिय तह र स्थानिय निकाएका जनप्रतिनिधी को प्रोटोकल अनुसार जिल्लामा समन्वय गर्न गाह्रो देखिएको हुनाले उनिहरुलाइ समन्वय गर्न समन्वय प्रमुखलाई पुरै अधिकार सहित जिम्मेवार प्रदान गर्ने गरि माथिबाट नितिगत निर्णय गराउन पहल गरौ।
४.प्रत्येक पालिकामा अत्याबश्यक ठाँउहरुमा सेनिटाइजर स्प्रे गर्नको लागि दुई जना ब्यक्ती तयारी राखौ जसले ब्यक्तिगत खर्चमा स्प्रे गराउन चाहनेहरुको लागि सहज होस।
५.राहत,सहयोगको नाममा विभिन्न संघ सन्स्थाहरुले गर्ने सबै सहयोग यो पटक एकीकृत गरि अक्सिजन सिलिन्डर र प्लान्ट ब्यबस्थापनमा लगाऔ।
६.सबै बैंकहरु केही समयको लागि बन्द गराऔ।बैंक को कारण बजारमा मानिसहरुको भिडभाड बढी भएको छ।
७.सरकारी गाडि राष्ट्रको सम्पती भएको हुनाले सबै कार्यालयमा भएका गाडिहरु आबश्यक अनुसार बिरामी ओसारपसारमा लगाऔ।कसैले मैले प्रयोग गर्ने गाडि कोरोनाको उपचारको लागि दिए भनेर फुस्रो प्रचार नगरौ।किनकी ती गाडि प्रयोग गर्ने बिरामीले राज्यको सम्पती प्रयोग गर्न पाए भनेर गर्व बोध गरोस।
८.सरकारी गाडि चालकहरुलाइ प्रोत्साहन भत्ता उपलब्ध गराऔ र उनिहरुलाइ स्ट्यान्डबाइ राखौ।अप्ठ्यारोमा परेको बेला गाडि चलाउन नमान्ने चालकहरुलाउ तुरुन्त कारबाही गरौ र अर्को चालक नियुक्ती गरौ।
९.गाडि पासको लागि पहिले जस्तै जथाभाबी नगरौ।अत्याबश्यक कामको लागि मात्र पासको ब्यबस्था गरौ।
