सुचनाकेन्द्र संवाददाता प्रकाशित : २०७७/११/२४ गते
बैकुण्ठ गिरी । पर्वतमा पहिलो पटक सांगीतिक समूह मंगोलियन हार्टका भोकलिस्ट राजु लामाको सांगितिक कन्सर्ट हुदैछ । दिउसो ३ बजेबाट दोस्रो मगर महोत्सवमा गायक राजु लामाको प्रस्तुती हुनेछ । नेपाली गित संगितको क्षेत्रमा सर्बाधिक चर्चामा रहेका गायक लामा हिजो नै कुश्मा आईसकेका छन् ।
पुन युवा क्लवले आयोजना गरेको दोस्रो महोत्सवको मुख्य आर्कषण रहेका लामाले बादलपारिको देशबाट, हल्ला चलेछ , पर्खाइमा, तिमीलाई देखेर, गाजलु टीका, उँभो–उँभो खासालगायत दर्जनौँ गीत लोकप्रिय छन् ।
उनले नेपाली, तिब्बती र तामाङ भाषामा समेत गीत गाइसकेका छन् । उनी सदावहार चर्चित गायकहरुको सुचीमा पर्छन । आज धौलागिरी र गण्डकीका हजारौं दर्शकहरुको सहभागीता कार्यक्रममा हुने आयोजक संस्था पुन युवा क्लवका अध्यक्ष कृष्ण पुनले सुचनाकेन्द्र डटकमलाई बताएका छन् ।
