पर्वत- पुन यूवा क्लव पर्वतले ३९ औँ मगर दिवशको अवसरमा आयोजना गरेको दोस्रो राष्ट्रिय मगर महोत्सवको तयारी पुरा गरेको छ । महोत्सवका लागि आवश्यक स्टल निर्माण, खेलकुदको मैदान निर्माण, मञ्च निर्माण, विभिन्न खालका आयोजक समिति परिचालन, प्रचारप्रसार र निमन्त्रणा लगायतका व्यवस्थापकिय कार्यहरु लगभग पुरा भएको हो आयोजकले महोत्सवको अहिले सम्मको तयारी र महोत्सव अवधिभर हुने मूख्य कार्यक्रमहरुको बारेमा जानकारी दिएको छ ।
पुन यूवा क्लवका अध्यक्ष कृष्ण पुनले पत्रकार सम्मेलनमा दोस्रो राष्ट्रिय मगर महोत्सवमा २ सय स्टल बुकिङ भएको जानकारी दिनुभयो । खुल्ला पुरुस भलिवलमा १० देखि १२ टोलि आउने अनुमान गरिएको आयोजकले जनाएको छ । मगरहरुको सांस्कृतिक नृत्यका ४ टोलि दर्ता भएको जानकारी दिईएको छ ।बिधालय स्तरिय प्रतियोगितामा १० टोलि सहभागिताका लागि दर्ता भैसकेको पुनले बताउनुभयो
।
उहाँले महोत्सवमा सुरक्षाको लागि प्रसासन संग निरन्तर छलफल गरि आवश्यक व्यवस्था भैसकेको बताउनुभयो । कार्यक्रम स्थलमा सुरक्षाका लागि ८ वटा सिसि क्यामेरा जडान गरिएको पनि पुनले बताउनुभयो । कोभिडका कारण मास्क र सेनिटाइजर अनिवार्य गरिएको छ । महोत्सव स्थलमा ड्रममा पानी र साबुनको व्यवस्था गरिने भएको छ ।महोत्सव प्रबेशका लागि सर्वसाधारणलाई ८० रुपैयाँ को टिकट काट्नुपर्ने भएको छ । यस्तै बाल उद्यान, रमाईलो खेल सहित अन्य रोचक कार्यक्रम पनि सञ्चालन हुने भएका छन् ।
राष्ट्रिय तथा स्थानीय कलाकारहरुको प्रस्तुती महोत्सवका आकर्षण हुन । ।स्थानिय खानाका परिकार खुवाउने गरि खानाको स्टल समेत आयोजकले राख्ने भएको छ । महोत्सवमा भीडभीड हुने भएकाले अलग्गै पार्किङ ब्यबस्थापन हुने भएको छ । । मगर महोत्सवको साँसद पदम गिरीले उद्घाटन गर्ने र प्रत्येक दिन विशिष्ठ व्याक्तिहरुलाई अतिथीको रुपमा आमन्त्रण गरेर कार्यक्रम सञ्चालन गर्दै जाने तयारी रहेको आयोजकले जनाएको छ ।
