SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७६/९/२० गते
    ६१७ &#२३४६;&#२३३५;&#२३२५;

    काठमाडौं, । नेपाल कम्युनिस्ट पार्टी (नेकपा) ले शुक्रवार राष्टिय सभा निर्वाचनका लागि उम्मेदवारको टुंगो लगाएको छ । नेकपाले १६ जना उम्मेदवारको टुंगो लगाएको हो । नेकपाका नेता नारायणकाजी श्रेष्ठ उम्मेदवार बन्दा अर्का नेता बामदेव गौतमको नाम उम्मेदवारमा नदेखेपछि सर्वसाधााण्मा जिज्ञासा उत्पन्न भएको छ । तर शुक्रवार बसेको सचिवालय बैठकमा सचिवालय सदस्य तथा प्रस्तावित उपाध्यक्ष वामदेव गौतमले राष्ट्रिय सभाको निर्वाचनको उम्मेद्वार बन्न अस्वीकार गरे ।

    आज प्रधानमन्त्री निवास बालुवाटारमा बसेको सचिवालय बैठकमा अध्यक्षद्वय केपी शर्मा ओली र पुष्पकमल दाहाल प्रचण्डले उम्मेद्वार बन्नका लागि राखेको प्रस्ताव गौतमले अस्वीकार गरेका हुन्। नेता गौतमले राष्ट्रिय र पतिनिधिसभा सदस्यको विभेद अन्त्य नभएसम्म आफु राष्ट्रिय सभा सदस्यको उम्मेदवार नबन्ने बताएका हुन् ।

    एक सचिवालय सदस्यले सो कुराको पुष्टि गर्दै भने, अध्यक्षद्वयले राष्ट्रिय सभाको सदस्य बन्न प्रस्ताव गर्नुभयो। तर‍ उहाँले म जान्न भन्नुभयो। प्रतिनिधि सभा र राष्ट्रिय सभाको विभेद अन्त्य भए मात्रै उम्मेद्वार बन्छु नेता गौतमको भनाई उल्लेख गर्दै ति नेताले भने । गौतमलाई यस अघि प्रतिनिधिसभाको रिक्त कास्की क्षेत्र नम्बर २ मा उम्मेद्वार बन्न प्रस्ताव गरिएको थियो। तर, गौतमले उक्त प्रस्ताव अस्वीकार गरेका थिए।उता पार्टीका प्रवक्ता नारायणकाजी श्रेष्ठको नाम भने बिहीवार बसेको बैठकमा नै टुंगिएको थियो । प्रवक्ता तथा प्रचार विभाग प्रमुख समेत रहेका श्रेष्ठ प्रतिनिधि सभामा गोरखा २ मा तत्कालिन नयाँ शक्तिका अध्यक्ष डा बाबुराम भट्टराईसँग पराजित भएका थिए। नेकपाले श्रेष्ठलाई गण्डकी प्रदेशबाट अन्य कोटामा राष्ट्रिय सभाको उम्मेद्वार बनाएको छ।

    राष्ट्रियसभा सदस्यका लागि मनोनयपत्र दर्ता आइतबार
    राष्ट्रियसभा सदस्यको माघ ९ गते हुने निर्वाचनका लागि आगामी आइतबार उम्मेदवारको मनोनयनपत्र दर्ता हुँदैछ । निर्वाचन आयोगका अनुसार, विहान १० देखि अपराह्न ३ बजेसम्म उम्मेदवारको मनोनयनपत्र दर्ता हुने कार्यक्रम छ ।उक्त निर्वाचनका लागि निर्वाचन अधिकृतको कार्यालय सम्बन्धित प्रदेशको उच्च अदालत रहेका जिल्लामा स्थापना भैसकेको छ । उम्मेदवारले मनोनयनपत्र दर्ताका लागि नागरिकताको प्रमाणपत्रको प्रतिलिपि, मतदाता नामावलीको उतार, धरौटी जम्मा गरेको नगदी रसिद वा बैंक भौचर पेश गर्नुपर्ने आयोगले जनाएको छ । महिला, दलित वा अल्पङ्ख्यक समुदाय वा आर्थिकरुपले विपन्न उम्मेदवारको हकमा सो धरौटी रकममा ५० प्रतिशत छुट हुनेछ ।

    मनोनयनको औपचारिक पत्र, दलित, अल्पसङ्ख्यक वा अपाङ्गता भएका समूहबाट निर्वाचित हुने पदको लागि उम्मेदवारी दिने व्यक्तिले सम्बन्धित गाउँपालिका, नगरपालिका वा प्रचलित कानूनबमोजिम अधिकारप्राप्त निकायले दिएको प्रमाणित हुने निस्सा पेश गर्नुपर्ने छ ।

    प्रस्तावक र समर्थकको नाम, सम्बन्धित प्रदेशसभाका सदस्य वा सम्बन्धित प्रदेशभित्रको गाउँपालिकाको अध्यक्ष वा उपाध्यक्ष तथा नगरपालिकाको प्रमुख वा उपप्रमुख समावेश भएको निर्वाचन मण्डलको मतदाता नामावलीमा नाम दर्ता भएको व्यहोरा खुल्ने प्रमाण पनि पेश गर्नुुपर्ने आयोगले जनाएको छ ।

    निर्वाचन स्वच्छ, स्वतन्त्र, निष्पक्ष र विश्वसनीय रुपमा सम्पन्न गर्ने÷गराउने कार्यमा सबैको सहयोग र सहभागिताको लागि आयोगले अनुरोध गरेको छ । कूल ५९ सदस्यीय राष्ट्रियसभाका एक तिहाई अर्थात् १९ जना सदस्यको आगामी फागुन २० गते पदावधि सकिँदैछ । त्यसमध्ये १८ जनाको निर्वाचनका माध्यमबाट चयन हुने छ भने एक जनाको सरकारको सिफारिशमा राष्ट्रपतिबाट मनोनयन हुने छ ।

    प्रतिकृया दिनुहोस्

    Loading...

    ५ वर्ष नवीकरण नभए गण्डकी प्रदेशमामा गाडी नै जफत

    पोखरा । गण्डकी प्रदेशमा दर्ता भएर नवीकरण नै नभएका सवारी साधनको संख्या ३० हजार पुगेको...

    ५० हजार एकमुस्ट भूकम्प प्रभावितलाई दिन सकिँदैन : गृहमन्त्री श्रेष्ठ

    काठमाडौं । उपप्रधानमन्त्री तथा गृहमन्त्री नारायणकाजी श्रेष्ठको जाजरकोट र रुकुमपश्चिमका भूकम्प पीडितलाई अस्थायी आवास बनाउन...

    २२ गतेदेखि आठौं पर्वतीय महोत्वस, यसवर्ष ५ दिन मनाइने

    पोखरा । नेपाल पर्वतारोहण संघले बर्सेनि गर्दै आइरहेको पर्वतीय महोत्सव यस वर्ष ५ दिन हुने...

    यज्ञ सापकोटाको लयमा सुरज अगस्ती धुर्व रेग्मी लक्ष्मी खड्काको चिसो हावाले..

    सुमन ढकाल,काठमाण्डौ। चिसो हावाले’ बोलको गीत अकला देवी म्युजिकबाट युट्युबमा विश्वभर सार्वजनिक भएको छ ।...

    परिवारलाई थाहा नै नदिई दुई महिनाअघि मात्रै भिजिट भिसामा रुस पुगेका थिए राजकुमार

    काठमाडौँ | दोलखाको मेलुङ गाउँपालिका–६ सुनारपानीका राजकुमार रोक्का भिजिट भिसामा रुस पुगेको दुई महिना मात्रै...

      Loading…

      फेसबुकमा हामीलाई लाईक गरौं