सुचनाकेन्द्र संवाददाता प्रकाशित : २०७६/८/५ गते
पर्वत । लोकप्रिय गायिका मेलिना राई र लोकपप गायक सुनिल गिरीले बजारमा ल्याएको नयाँ कौरा गीत ‘जाम क्यारे माया’लाई दर्शकले छोटो समयमा नै औधी रुचाएका छन् ।
गीत रिलिज भएको छोटो समयमा नै ट्रेन्डिङमा परेको गीतमा गायक गिरी र गायिका मेलिना राईको स्वर रहेको छ । गीतको शब्द तथा संकलन गायक गिरी स्वयंमको नै हो । जसमा सुनिल गिरी स्वयंम र उर्मिला गुरुङ फिचर्ड छन् ।
गिरी आफैले निर्देशन गरेका गीतलाई मनाङ गुरुङले कोरियोग्राफी गरेका छन् भने भिडियोमा अनिल कृष्ण मानन्धरको छायांकन रहेको छ । जसको भिडियो सम्पादन पवन सिंम्खडाले गरेका छन् ।
