काठमाडौं । अहिले सामाजिक सञ्जालमा स्वर्गिय पर्यटनमन्त्री रविन्द्र अधिकारी पत्नी विद्या भट्टराईको एक तस्वीर खुबै भाइरल भइरहेको छ । उक्त तस्वीरमा चुनावी अभियानमा भएका बेला भट्टराईको झोला अरु कसैले बोकेको छ । यसलाई लिएर अहिले नकरात्मक प्रतिकृयाहरु आउँन थालेका छन् ।

तर उक्त फोटोमा भएका व्यक्ति विद्याका देवर (दिपेन्द्र अधिकारी) भएको खुल्न आएको । केही वर्ष देखि जापानमा बस्दै आएका उनी आफ्नी भाउजुको चुनावी अभियानमा सहयोगी भुमिका निभाउन नेपाल फर्केको बताइएको छ । सामाजिक सञ्जालमा एकजनाले दिपेन्द्रसहितलाई ट्याग गरेर एक स्टाटस राख्नु भएको छ । यस्तो छ स्टाटस, ‘आज यो फोटो भाइरल भयो ,ब्याग बोकाउन थालि भनेर त्यसैले मैले यो लेख्न बाध्य भए ।

जस्ले ब्याग बोक्नु भएको छ उहाँको सहोदर देवर हुनु हुन्छ दाईको मृत्युपछि भाउजुको रेखदेख गर्नु आफैमा गर्व गर्नु पर्छ । हामीलाई यस्तो पर्दा कस्तो होला ? अरुलाई पर्दा हाँस्न हुन्न । बिबेक नगुमाऊ । मेरो न उहा संग चिन जान छ न कम्युनिष्ट बिचार नै बोक्छु । मेरो आस्था आज सम्म नेपाली कांग्रेसमा छ ।

तर म एक नारी हुँ, भन्न र लेख्न पायो भन्दैमा बुझेर मात्रै लेखौ । हिजोको दिनमा रबिन्द्र अधिकारी बिरोधमा मैले लेखेकै थिए । तर आज एकल नारीलाई जे पायो त्यो लेख्दा मलाई असैह्य भयो ।पति बियोगमा नारीलाई हौसला दिनुपर्छ । हामिले हामीलाई पर्दा मात्रै गाह्रो होइन सबैलाई गाह्रो हुन्छ ।

दुई बच्चाको आमा बुढा सासुससुराको लागि छोरो गुमाउदाको पिडा यहि नारीको काँधमा छ । शुभकामना छ तिमी लाई मेरो अगाडि बढ् । नारी शक्ति जिन्दाबाद । मेरो यो राजनिति होइन तर माया पक्कै , हो मलाई मेरो परिवारमा परेको दुःख थाहा छ । नारीलाई लोग्नी गुमाउदा कति गाह्रो हुन्छ । मैले नजिकबाट बुझेको छु त्यसैले कांग्रेस भय पनि तिम्रो जितको कामना गर्दछु।’