सुचनाकेन्द्र संवाददाता प्रकाशित : २०७६/७/७ गते
गजल
जन्मेको ठाउँ नियाली हेरेँ माटोको माया छ ।
यो मेरो पर्वत तल र माथी पाटोको माया छ ।।
हुर्किँदा मैले गुल्टिदै उठ्दै गरेको स्वर्गमा ।
झोलुङ्गे पुल यता र उता बाटोको माया छ ।।
झुपडी मेरो खरले छाको घाम्पानी नछेक्ने ।
चुहिने छानो पुराना डाँडा भाटोको माया छ ।।
क्या मज्जा हुन्थ्यो खेल्थौनी हामी डन्डिब्यो कपर्दी ।
समात्दा सैँले लागेको चोट खाटोको माया छ ।।
प्रदेश जाँदा पारेर पोको दिएको पछ्यौरी ।
आमाका आँसु खसेर लाग्या टाटोको माया छ ।।
जन्मेको आँफू नियाली हेरेँ माटोको माया छ ।
यो मेरो पर्वत तल र माथी पाटोको माया छ ।।
निर्मल पौडेल एन पि घायल कुस्मा पर्वत
