पर्वत । जिल्ला प्रहरी कार्यालय पर्वतले चाडबाडको माहोल नजिकिदै गएको बेला जुवाडेहरु माथीका कारवाही शुरु गरेको छ । जिल्ला प्रहरी कार्यालय पर्वतका प्रहरी निरीक्षक राजन रायमाझीले दिएको जानकारी अनुसार पर्वतको कटुवा चौपारी बाट चार जना पक्राउ गरिएको हो ।
पक्राउ पर्नेहरुमा पर्वत कुश्मा नगरपालका वडा नं ९ बस्ने वर्ष ३७ को दिनेश ढकाल, सोहि ठाउँमा बस्ने वर्ष ३५ को नवराज अधिकारी, साथै सल्यान शारदा नपा वडा नं ६ घर भई हाल कुश्मा नपा ९ बस्ने वर्ष ३८ को उमाभक्त वस्नेत, र फलेवास नपा वडा नं ३ शंकरपोखरी वस्ने वर्ष ५० को राम प्रसाद तिवारी रहेका छन् ।
उनीहरु चारै जनालाई कुश्मा नगरपालिका वडा नं ९ ज्ञ्यादी बस्ने वर्ष ७२ की लक्ष्मी श्रेष्ठको घर गोप्य सूचनाको आधारमा जिल्ला प्रहरी कार्यालय पर्वतवाट प्रहरी निरीक्षक राजन रायमाझीको कमाण्डमा खटिएको प्रहरीको बिशेष टोलिले पक्राउ गरेको हो ।
उनीहरुबाट नगद रू दुई लाख सत्र हजार दुई सय रुपैयाको साथै १ बुक तास र जुवा खेल्न प्रयोग गरिएको गलैचा समेत कब्जामा लिइएको पर्वतका प्रहरी निरीक्षक राजन रायमाझीले सुचनाकेन्द्र डटकमलाई जानकारी दिएका छन् ।।
