SuchanaKendra

  • Radio Kushum


    सुचनाकेन्द्र संवाददाता प्रकाशित : २०७६/५/२१ गते
    १०२८ &#२३४६;&#२३३५;&#२३२५;

    काठमाडौं, । प्रधानमन्त्री एवं नेपाल कम्युनिस्ट पार्टी (नेकपा)का अध्यक्ष केपी शर्मा ओली सिंगापुरमा भएको उपचार सकेर शुक्रबार फर्किएसँगै पार्टी र सरकारी कार्यमा सक्रिय भएका छन् । राजधानी दैनिकले खबर छापेकाे छ।

    शुक्रबार प्रधानमन्त्री ओली स्वदेश फर्किएका हुन् । स्वदेश फर्किएसँगै नेकपाका अर्का अध्यक्ष पुष्पकमल दाहाल प्रधानमन्त्री ओलीलाई भेट्न बालुवाटार पुगे ।

    प्रधानमन्त्री निवास बालुवाटारमा ओली र दाहालबीच ओलीको पछिल्लो स्वास्थ्य अवस्था र मुलुकको समसामयिक अवस्थाबारे छलफल भएको बालुवाटार स्रोतले जानकारी दिएको छ ।

    ओली र दाहालबीच पछिल्लो राजनीतिक अवस्था, सरकारको गतिविधि, नेकपा सचिवालय बैठकले गरेको निर्णयलगायतका विषयमा छलफल भएको बालुवाटार स्रोतले बतायो । यसैगरी, पार्टी एकताको बाँकी काम टुंगो लगाउने विषयमा समेत छलफल भएको छ ।

    प्रधानमन्त्री ओलीका प्रेस विज्ञ डा. कुन्दन अर्यालका अनुसार अध्यक्षद्वयबीच छलफल नियमित कामअन्तर्गत नै भएको छ । स्वास्थ्य उपचारका लागि सिंगापुरबाट फर्किएपछि मुलुक एवं पार्टीको पछिल्लो अवस्थाबारे छलफल भएको उनले बताए । प्रधानमन्त्री ओलीले आफ्नो स्वास्थ्य अवस्थाबारे दाहाललाई जानकारी गराएका थिए ।

    ५ भदौमा सिंगापुर गएका ओली दुई साता लामो उपचारपछि स्वदेश फर्किका हुन् । मृगौलासम्बन्धी एन्टिबडीको उपचारका लागि सिंगापुरको नेसनल युनिभर्सिटी अस्पतालमा प्रधानमन्त्री ओलीको उपचार भएको थियो ।

    उपचारकै क्रममा प्रधानमन्त्री ओलीले दुईपटक टेलिप्रिजेन्स प्रविधिमार्फत मन्त्रिपरिषद्का सदस्यसँग सरकारका कामको बारेमा छलफल गरेका थिए । शनिबार आरामसँगै भेटघाट गर्ने र आइतबारदेखि प्रधानमन्त्री ओली नियमित काममा फर्किने अर्यालले बताए ।

    प्रधानमन्त्रीका निजी चिकित्सक डा. दिव्यासिंह शाहले एक विज्ञप्ति जारी गर्दै प्रधानमन्त्री ओलीको स्वास्थ्य अवस्था सामान्य रहेको जनाएकी छन् । डा. शाहका अनुसार शरीरमा बढी मात्रामा रहेको ‘एन्टिबडी’लाई वैज्ञानिक प्रविधिबाट हटाउने उपचार प्रक्रिया एनयूएचमा पूरा भएको छ । प्रधानमन्त्री ओली आफ्नो नियमित कामलाई निरन्तरता दिन सक्ने उनले जनाएकी छन् ।

    प्रतिकृया दिनुहोस्

    Loading...

    चर्चित गायक तथा सर्जक कृष्ण देवकोटाको जाले रुमाल खस्यो बजारमा {भिडियोसहित}

    बैकुण्ठ गिरी, अमेरिका । नेपाली लोक दोहोरी क्षेत्रको एउटा ओझिलो नाम हो कृष्ण देवकोटा ।...

    रिपोटर्स क्लब अमेरिकाको केन्द्रिय साधारणसभा आगामी जुलाई महिनामा हुदै

    टेक्सास, अमेरिका । अमेरिकामा रहेका प्रवासी नेपाली पत्रकारहरुको साझा सँस्था रिपोटर्स क्लब अमेरिकाको केन्द्रिय साधारणसभा...

    खुसीको खबर, झण्डै २ सातादेखि सम्पर्कविहीन पर्वतका युवा अमन सकुशल फेला

    बैकुण्ठ गिरी, अमेरिका । अमेरिकाको न्युयोर्क देखि बाल्टिमोर जादै गर्दा झण्डै २ सातादेखि बेपत्ता पर्वत...

    आगामी मे १९ तारिख न्यूयोर्कमा हुने नेपाल डे परेड सम्पन्न गर्न दोस्रो टाउनहल बैठक

    न्युयोर्क । आगामी मे १९ तारिखका दिन न्यूयोर्कको म्यान्हटनमा आयोजित नेपाल परेड सम्पन्न गर्नका लागि...

    खुसीको खबर, झण्डै २ सातादेखि सम्पर्कविहीन पर्वतका युवा अमन सकुशल फेला

    बैकुण्ठ गिरी, अमेरिका । अमेरिकाको न्युयोर्क देखि बाल्टिमोर जादै गर्दा झण्डै २ सातादेखि बेपत्ता पर्वत...

    Loading…

    फेसबुकमा हामीलाई लाईक गरौं