SuchanaKendra

  • Radio Kushum


    सुचनाकेन्द्र संवाददाता प्रकाशित : २०७६/५/५ गते
    १००४ &#२३४६;&#२३३५;&#२३२५;

    काठमाडौ । अहिले चर्चामा रहेको शालिकराम पुडासैनी मृत्यु प्रकरण थप जलिट बन्दै गइरहेको छ । अहिले जीवनत्याग गर्न बाध्य पारेको अभियोगमा उनका पुर्व सहकर्मी रवि लामिछाने र युवराज कँडेल हिरासतमा छन् । यस्तै उनकी प्रमिका भनिएकी नर्स अस्मिता कार्काी पनि अहिले हिरासतमा छिन् । अहिले उनीहरुलाई भेटेर आउँनेहरुको भिड पनि उस्तै रहेको छ । यो भिडमा अहिले समाजसेवीको परिचय बनाएकी चर्चित नायिका श्वेता खड्काले पनि मुख खोलेकी छिन् । उनले सामाजिक सञ्जाल फेसबकुमा एक स्टाटस राख्दै सर्मथन गरेको बताएकी छिन् । यस्तो छ उनको स्टाटस :

    ‘यो अँधेरो केहिबेरको लागी मात्र हो , भोली बिहान फेरी सुर्य उदाउने छ र नयाँ द्रुश्य छर्लङ्ग देखिनेछ ।’ आदरणीय रवी लामिछाने दाईसँग आज भरतपुर कारागारमा भेट्दा उहाँले बोलेको यो वाक्यले मेरो मन छोयो ।

    कसुर सावित नभएतापनी कसुरवार सरह जिवन यापन गरिरहेका रवी दाइसँगको २ मिनेटको त्यो भेटमा उहाँले मेरो स्वास्थ्य अवस्था मात्र होईन सिन्धुपाल्चोकमा निर्माणाधिन माझी बस्तिको बारेमा पनि सोध्न भ्याउनुभयो । म, रवी दाईसँग जेल भित्र २ मिनेटको भलाकुसारी गरिरहँदा बाहिर उनै रवी दाईको समर्थनमा घन्किरहेको केहि नाराहरुले हामी बिचको संवादमा अवरोध खडा गरिरहेको थियो ।

    ३६ डिग्री को उग्रतापमा गुन्जिरहेको ‘हाम्रो देश, हाम्रो रवी , प्राण भन्दा प्यारो छ’ भन्ने आवाजलाई म स्पष्ट सुनिरहेको थिएँ । त्यही आवाजका बिचमा हाम्रो संवाद चलिरहेको थियो । निश्चिता अवधिभित्र, समुहमा भेट्नुपर्ने नियमानुसार हाम्रो ठुलो टोली रवि दाईलाई भेट्न गएका थियौ । रवि दाईलाई कैदीको रुपमा टाढैबाट पहिलो दृश्य मेरो आँखामा पर्दा मनमा चसक्क काँडा बिझेसरी भएको थियो ।

    त्यती खेरै मैले सम्झें, केहि बर्ष अगाडी मैले रवि दाईको बारेमा सम्प्रेशण गरेको लेख । रबी लामिछाने जस्ता न्यायिक व्यक्तिको पक्षमा लेखिएको मेरो त्यो लेखको शिर्षक भित्र लुकेको भावलाई नपढी धेरै व्यक्तिले मलाई नकारात्मक प्रतिकृया दिए । मलाई अपाच्य हुनेखालका अपशब्दहरु प्रयोग गरिए । तर म , सँधै न्याय र सामाजिक हितको पक्षमा उभिने एउटी अवला नारी । मैले आजसम्म कुनै राजनीतिक दलको सदस्यता लिइनँ र कुनै व्यक्तिलाई कुनै एउटा राजनीतिक दलको कार्यकर्ताको रुपमा व्यवहार वा सोही अनुरुपको संगत गरिन । मलाई मानवियता भन्दा कुनै दल , धर्म वा वर्ग ठुलो छ जस्तो कहिल्यै महुसुस भएन ।

    जतिखेर मैले ‘रवि लामिछाने दाई जस्तो असल व्यक्ति सतिले सरापेको यो देशमा काम छैन र उहाँलाई टुँडिखेलमा लगेर फाँसी दिईनुपर्छ’ भन्ने लेख सम्प्रेशण गरेको थिएँ त्यो बेला नेपाली कांग्रेसको सरकार थियो र मलाई त्यसबेला कांग्रेसका झोलेहरुले नेकपा एमाले या माओवादीको उपमा दिएका थिए । आज म , रवि दाईलाई चितवनामा भेटेर फर्किरहँदा यतिखेर नेकपा को सरकार छ । अब म ढुक्क छु , मलाई नेकपाका केहि झोले कार्यकर्ताहरुले अब नेपाली कांग्रेस वा राजावादी दलको वात लगाउनेछन । मलाई कहिले कांग्रेस , कहिले एमाले या माओवादीका साथै राजावादी दलको सकृय कार्यकर्ताको वात लाग्नु कुनै नौलो पनि रहेन ।

    यदी ‘राम्रो मान्छेलाई हाम्रो मान्छे’ को रुपमा लिदा कुनै दल वा वर्गको आरोप लाग्छ भने म त्यो आरोपलाई सहर्ष स्विकार गर्न तयार रहन्छु । मलाई आरोपका कुनै कुराहरुले फरक पर्ने वाला छैन । म न्यायप्रेमी नारी , म स्वतन्त्रताको पक्षधर । मलाई निष्पक्ष र निस्कपट छानविनको अन्तिम निर्णय मान्य हुनेछ । शालिकराम पुडासैनीकी बिधुवा श्रीमती सम्झना पुडासैनीको उजाड सिउँदो र रवि लामिछाने दाईकि निर्दोश श्रीमती निकिता पौडेलले पनि न्याय पाउनु पर्छ । न्याय नडगमगाओस । जे भएको हो त्यही देखोयोस , जे वितेको हो त्यही लेखिओस । न्यायलय प्रतिको हाम्रो आस्था, विश्वास र भरोसा ओइलाएर नजाओस । मेरो कामना ।

    प्रतिकृया दिनुहोस्

    Loading...

    पर्वतमा तेस्रो राष्ट्रिय मगर महोत्सव शुरु,नेपाल पनि अब आर्थिक हिसावले समृद्ध बन्दै जाने : गिरी

    पर्वत ।पर्वतमा तेस्रो राष्ट्रिय मगर महोत्सव आजदेखि शुरु भएको छ । ४२ औँ राष्ट्रिय मगर...

    प्रधानमन्त्रीले भरतपुर भ्रमण बर्षको उद्घाटन १८ फागुनमा गर्ने

    चितवन । चितवनको भरतपुर महागनरपालिकाले भरतपुर भ्रमण बर्ष २०२४ को औपचारिक उद्घाटन फागुन १८ गते...

    माओवादी केन्द्रको प्रदेश इन्चार्ज हेरफेर गर्ने तयारी, कुन प्रदेशमा को ?

    काठमाडौं। नेकपा (माओवादी केन्द्र) ले प्रदेश इन्चार्जमा नयाँ नेताहरुलाई पठाउने भएको छ । आज (मंगलबार)...

    केन्द्रीय अनुसन्धान ब्युरो (सीआईबी) ले तत्कालीन सेञ्चुरी बैंकका पूर्वसीईओद्वय न्यौपाने र गौतम पक्राउ

    काठमाडौं । तत्कालीन सेन्चुरी कमर्सियल बैंकका पूर्वप्रमुख कार्यकारी अधिकृत तथा हाल प्रभु बैंकका डेपुटी सीईओ...

    आज मगर एकता दिवस : मगर बाहुल्य क्षेत्रमा स्थानीय विदा

    काठमाडौं। आज ४२औँ मगर एकता दिवस । मगर समुदायले देशैभरि विविध कार्यक्रम गरी आज यो...

    Loading…

    फेसबुकमा हामीलाई लाईक गरौं