काठमाडौं । पछिल्लो समय शालिकराम पुडासैनी मृत्यु प्रकरणले सामाजिक सञ्जाल तातिएको छ । यो बीचमा राजधानीको स्वयम्भूमा एक महिलाले विष सेवन गरी आत्महत्या गरेको खुल्न आएको छ । धादिङकी २७ वर्षीया शान्ति तामाङले आत्महत्या गरेकी हुन् । तामाङको श’व अहिले पोष्टमार्टमका लागि त्रिवि शिक्षण अस्पतालमा राखिएको छ ।
तामाङले आत्मह’त्या गर्नुको कारण अहिलेसम्म खुल्न सकेको छैन । महानगरीय प्रहरी वृत्त स्वयम्भुका प्रमुख डीएसपी लालध्वज सुवेदीले तामाङले आत्महत्या गर्नुको कारणबारे अनुसन्धान भइरहेको जानकारी दिनुभयो । उनको पोष्टमार्टमको रिपोर्ट आएपछि थप खुलासा हुने प्रहरीले जानकारी दिएको छ । २ छोराछोरीकी आमा उनी श्रीमानसँग बस्दै आएकी थिइन् ।
यता शव पोष्टमार्टमको लागि अस्पताल लगेपछि घटनाले अर्को मोड लिएको छ । शान्तिको आ’त्मह’त्याबारे घर पक्ष र माइती पक्षबीच अस्पतालमा लफडा भएको छ ।
डीएसपी सुवेदीले शान्तिको आ’त्मह’त्याबारे माइती पक्ष र घर पक्षबीच ज’लाउने सहमति भएपनि अस्पतालमा झगडा भएको घटनाले अर्कै मोडमा पुगेको हो । माइती पक्षले यसर्लाइ आत्महत्या भन्दा पनी हत्या भएको भन्दै आइरहेको छ । शान्तिका श्रीमानको नाताले भान्जी पर्ने पवित्रा तामाङले शान्तिलाई हामी २–३ जना मिलेर ह’त्या गरेको भनेको माइती पक्षको आरोप छ ।
सहमतिको लागि प्रहरी चौकीमा जाँदा समेत प्रहरीले भान्जी पवित्रा र उनीसँग गएका अर्का एक युवकलाई भगाएको आरोप माइती पक्षले लगाउँदै आइरहेको छ । यता यस विषयमा डीएसपी सुवेदीले आरोप झुठो रहेको बताउनुभयो ।
