SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७६/४/२३ गते
    ७३२ &#२३४६;&#२३३५;&#२३२५;

    काठमाडौं । अन्तर्राष्ट्रिय क्रिकेट काउन्सिल आइसीसीको टी–२० को खेलाडी बरियतामा नेपाली राष्ट्रिय क्रिकेट टोलीका कप्तान पारस खड्काले १५ स्थान सुधार गरेका छन् । नयाँ बरियता अनुसार उनी टी–२० को अलराउण्ड तर्फ २६ औं स्थानमा छन् । यसअघि कप्तान खड्का टि–२० अलराउण्डरमा ४० औं स्थानमा रहेका थिए । केही समय अगाडि मलेसिया र सिंगापुरमा उनले गरेको प्रदर्शनका आधारमा उनी आईसीसीको बरितयामा अगाडि आउन सफल भएका हुन् ।

    उनले भारतीय खेलाडी सुरेस रैनालाई पनि पछि पारेका छन् । यस्तै सो स्थानमा मिचेल सान्टानेर र इल्टोन चिगंम्बुरा पनि छन् । यस्तै ब्याटिङमा पनि कप्तान खड्का ६६ औं स्थानमा उक्लिएका छन । उनको चार सय १७ अंक रहेको छ । उनले भारतका पूर्व कप्तान महेन्द्रसिंह धोनीलाई पनि पछि पारेका छन् । धोनी ६७ औं स्थानमा रहेका छन् । यस्तै क्रिस गेलपनि पारस भन्दा पछाडि रहेका छन । गेल ७३ औं स्थानमा छन् । यस्तै बलिङमा नेपाली बलर बसन्त रेग्मी ७१ औं स्थानमा झरेका छन भने सोमपाल कामी ७८ औं स्थानमा एथावत छन ।

    त्यस्तै सरकारी हस्तक्षेपका कारण आईसीसीको प्रतिबन्ध भोगेको जिम्बाबे क्रिकेट टिमलाई अर्को ठुलो झट्का लागेको छ। अन्तर्राष्ट्रिय क्रिकेट परिषदले मंगलबार जिम्बाबेको पुरुष र महिला दुवै टिमलाई टि-२० विश्वकप छनौटमा समेत सहभागी हुन नदिने भएको हो। जिम्बाबेको सट्टा नाइजेरियाले टि-२० विश्वकप छनौट २०१९ मा सहभागिता जनाउने आईसीसीले बताएको छ। नाइजेरिया २०२० अन्डर-१९ विश्वकपमा समेत छनौट भइसकेको छ। आगामी महिना स्कटल्याण्डमा आयोजना हुने महिला टि-२० विश्वकप छनौटमा जिम्बाबेको सट्टा नामिबियालाई मौका दिईएको छ।

    ११ अक्टोबर देखि युएईमा आयोजना हुने टि-२० विश्वकप छनौट प्रतियोगितामा आयोजक युएई, हंगकंग, आयरल्याण्ड, जर्सी, केन्या, नामिबिया, नेदरल्याण्ड, ओमान, पपुवा न्यु गिनी, स्कटल्याण्ड, सिंगापुर, नाइजेरिया र यो महिना अन्त्यमा अमेरिकाज फाइनलबाट आउने अन्य २ गरि १४ टोलि सहभागी हुनेछन्। यस्तै महिला टि-२० विश्वकप छनौटमा स्कटल्याण्ड, बंगलादेश, आयरल्याण्ड, नेदरल्याण्ड, पपुवा न्यु गिनी, थाईल्याण्ड र अमेरिका र नामिबियाले प्रतिस्पर्धा गर्ने भएका छन्।

    नेपाल गत हफ्ता सिंगापुरमा सम्पन्न टि-२० विश्वकप छनौट ( एसिया फाइनल ) प्रतियोगितामा तेश्रो स्थानमा रहेपछि टि-२० विश्वकप छनौटमा पुग्न असफल भएको थियो। सिंगापुर प्रतियोगिताको विजेताको रुपमा र युएई प्रतियोगिता आयोजकको रुपमा छनौट भइसकेको छ। नाइजेरिया टि-२० विश्वकप छनौट ( अफ्रीका फाइनल ) प्रतियोगितामा तेश्रो भएको थियो। नामिबिया पहिलो र केन्या दोश्रो हुँदै छनौट भएको थियो। अफ्रिकाको टिम भएको हुँदा उक्त अफ्रीका छनौटमा तेश्रो स्थान हाँसिल गरेता पनि जिम्बाबेको ठाउँमा नाइजेरीयाले ठुलो अवसर पाएको हो। आईसीसीले पनि जिम्बाबेको सट्टा सोहि क्षेत्रको टिमलाई मौका दिएको बिज्ञप्तिमा लेखेको छ।

    आईसीसीले जिम्बाबेको सट्टा अफ्रीकाकै अर्को टिमलाई मौका दिएपछि नेपाली क्रिकेट टिम वरियतामा ११ औं स्थानमा रहेको कारण आईसीसीले मौका दिन सक्ने झिनो आशाको पनि अन्त्य भएको छ। टि-२० विश्वकप छनौटमा सहभागी हुने १४ टिमबाट २०२० मा अस्ट्रेलियामा आयोजना हुने टि-२० विश्वकपको लागि उत्कृस्ट ६ टिम सहभागी हुनेछन्। नेपाल क्रिकेट संघलाई पनि आईसीसीले निलम्बन गरेको छ तर अन्तर्राष्ट्रिय प्रतियोगितामा सहभागिता जनाउन र क्रिकेटरलाई तलब भने दिईरहेको छ। जिम्बाबेलाई लामो समय देखि आईसीसीले चेतावनी दिईरहेको कारण कडा सजाय दिएको हो। आईसीसीले दिने बजेट र सहभागिता समेत जिम्बाबेको रोक्का भएको छ।

    प्रतिकृया दिनुहोस्

    Loading...

    कृष्णनगरमा जेष्ठ नागरिक सरोकार वालाहरू एक दिने छलफल कार्यक्रम सम्पन्न

    कृष्णनगर, । जेष्ठ नागरिक सरोकार वालाहरू एक दिने छलफल कार्यक्रम कपिलवस्तु जिल्लाको कृष्णनगर नगरपालिका वडा...

    पेट्रोलिएम पदार्थको मुल्यवृद्धि तथा सवारिकर वृद्धि फिर्तालिन अनेरास्ववियु पर्बतको माग :कडा आन्दोलनमा उत्रने चेतावनी(पत्रसहित)

    पर्वत .नेकपा एमाले को भातृ संगठन अखिल नेपाल राष्ट्रिय स्वतन्त्र विद्यार्थी युनियन ले पेट्रोलिएम पदार्थको...

    पर्वतका तिलक अधिकारी युवा लिग नेपालको केन्द्रिय सचिवमा निर्बाचित अध्यक्षमा केशव ढल्कोटी

    काठमाडौं । नेकपा (क्रान्तिकारी माओवादी)को युवा संगठन क्रान्तिकारी युवा लिग (आरवाईएल)को शुक्रबार काठमाडौंमा शुरु भएको...

    जिल्ला भलिबल संघ पर्वतको अधिवेशन सम्पन्न, अध्यक्षमा लक्ष्मणकुमार श्रेष्ठ,उपाध्यक्षमा जगदिश सुवेदी निर्वाचित

    पर्वत । जिल्ला भलिबल संघ पर्वतको साधारण सभा तथा अधिवेशन सम्पन्न कुश्मा बजारमा सम्पन्न भएकाे...

    प्रभु बैंकसँग The Cliff काे सहकार्य, प्रभु बैंकको मोबाइल एप प्रयाेग गर्दा १० प्रतिशत छुट

    पर्वत । प्रभु बैंक लिमिटेड र बन्जी जम्प The Cliff काे सहकार्य भएकेा छ ।...

    Loading…

    फेसबुकमा हामीलाई लाईक गरौं