गोबिन्द,पर्बत। ७ औ पर्बत महोत्सवको आज नबौ दिनमा पालिका स्तरीय पुरुष भलिबल प्रतियोगिताको चौथो तथा अन्तिम क्वाटरफाइनल खेल मोदी गाउँपालिका र कुश्मा नगरपालिका बीच भएको निकै प्रतिस्पर्धात्मक खेलमा मोदी गाउँपालिका ३-१ को सोझो सेटमा बिजयी भयो । यो जित संगै मोदी गाउँपालिका सेमिफाइनलमा प्रबेश गर्यो भने कुश्मा नगरपालिकाको सेमिफाइनल पुग्ने सपना चकनाचुर भयो ।
खेल निकै प्रतिस्पर्धात्मक र रोचक भएको थियो । बेस्ट अफ फाईपमा भएको खेलमा मोदी गाउँपालिका पहिलो सेट २५-१३ ले जित्यो भने दोस्रो सेट २५-२० ले जित निकाल्दा तेस्रो सेट भने कुश्मा नगरपालिकाले २५-१८ ले जित हासिल गर्दै खेलमा फर्किने केहि आशा देखाए पनि चौथो सेट मोदी गाउँपालिकाले २५-२० को जित निकाल्दै सेमिफाइनलमा प्रबेश गर्न सफल भयो ।
नकआउट चरण मा खेलईने उक्त प्रतियोगितामा प्रथम हुनेलाई सर्बाधिक पुरस्कार २,००,०००/ (दुईलाख , सिल्ड मेडल र प्रमाणपत्र) दोश्रो लाई १,००,०००/ (एकलाख, सिल्ड मेडल र प्रमाणपत्र) तृतीय हुने लाई नगद ३०,०००/ (तिस हजार रुपयाँ सिल्ड मेडल र प्रमाणपत्र) र सान्त्वना टिमलाई पनि ३०,०००/ (तिस हजार, सिल्ड मेडल र प्रमाणपत्र) रहेको छ । प्रतियोगिता सफाल बनाउन जिल्ला खेलकुद विकास समिति,पर्बत र जिल्ला भलिबल संघ पर्बतले पनि व्यवस्थापनमा सहयोग गरेको खेल संयोजक शेरबहादुर चोचाङ्गीले हाम्रो सूचना केन्द्र डटकम लाई जानकारी गराउनु भयो ।
