सुचनाकेन्द्र संवाददाता प्रकाशित : २०७८/१२/१५ गते
विवेकशील साझाले प्रदेश नम्बर १ र कर्णालीमा इन्चार्ज तोकेको छ।
प्रदेश १ को इन्चार्जमा प्रकाशचन्द्र परियार र कर्णाली इन्चार्जमा कर्णबहादुर शाही तोकिएका छन्।सोमबार बसेको पार्टीको केन्द्रीय कार्यसम्पादन समिति बैठकले इन्चार्ज तोकेको हो।
साथै पार्टीले बागमती प्रदेश संयोजकमा उज्ज्वलकृष्ण श्रेष्ठलाई तोकेको छ। गण्डकी संयोजकमा सुशीला केसी अधिकारी, मधेश संयोजकमा धनपति महतो, सुदूरपश्चिम संयोजकमा दिनेश भण्डारी र अन्तर्राष्ट्रिय समितिमा एसके श्रेष्ठलाई तोक्ने निर्णय भएको छ।पार्टीभित्र संयोजक चयनको विषयलाई लिएर असन्तुष्ट पक्षले विरोध गरेका छन्।
