SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/३/१ गते
    १८१ &#२३४६;&#२३३५;&#२३२५;

    पर्वत । विश्वभर फैलिएको नयाँ भेरियण्ट सहितको कोरोना भाइरस (कोभिड–१९) को मुलक आतकिंत छ । कोरोना कहरले आमनागरिक थलिएका बेला अभिभावकत्व निर्वाह गर्नुपर्ने सरकार सत्ता र शक्तिको चलखेलमा लागेको छ । कोरोना कहरको पीडा समग्र मुलुकको तुलनामा पर्वतवासीले अझै बढी भोगिरहेका छन् ।

    यही कहरका बिच पर्वतबासीको पीडामा मलहम लगाउन नेपाली काँग्रेसद्धारा गठित कोभिड–१९ अनुगमन समितिको जिल्ला संयोजक एवम् कुश्मा नगरपालिका–८ चुवाका वडा अध्यक्ष राजकुमार क्षेत्रीले जिल्लामा कोरोना भाइरसले पारेको प्रभाव र यसको रोकथाममा पार्टीको भूमिकाका विषयमा वडातहमा पुगेर छलफल थाल्नुभएको छ । नेपाली काँग्रेसद्धारा गठित कोभिड–१९ अनुगमन समिति पर्वतको सूचना संयोजकमा नियुक्ति भए लगत्तै क्षेत्रीले पर्वत जिल्लाका ६१ वटा वडामा पुगेर छलफल गर्न थाल्नु भएको हो ।

    नेपाली काँग्रेस जिल्ला कार्य समिति पर्वतको सहकार्य र नेपाली काँग्रेसका केन्द्रिय सदस्य एवम ्पूर्व साँसद अर्जुनप्रसाद जोशीको समन्वयमा क्षेत्रीले वडा तहमा पुगेर छलफल थाल्नु भएको हो ।

    अभियान अन्तर्गत आईतवार कुश्मा नगरपालिकाका चुवा ठुलीपोखरी र खौलालाकुँरी हुँदै फलेवास नगरपालिका, महाशिला पुग्न् भएको छ भने शनिवार पैयु गाउँपालिकाका दुई वडा बाहेक अन्य सबै वडामा पुगेर कोरोनाभाइरसले नागरिकमा पारेको प्रभाव, गरिव तथा विपन्न वर्गको संख्या, महामारीका बेला पार्टीले निर्वाह गर्नुपर्ने भूमिका, संक्रमितको विवरण र दिर्घरोगीको संख्या र वडाको वस्तुस्थितीका विषयमा नेपाली काँग्रेसका वडा कमिटीका सभापतिहरु संग छलफल थाल्नु भएको हो ।

    संयोजक क्षेत्रीले अभियान अन्तर्गत जिल्लाका सवै वडामा पुग्ने अभियान जारी रहेको जानकारी गराउँदै बाँकी वडामा केही दिनमा पुग्ने दाबी गर्नुभयो । उहाँले कोरोना भाइरसको रोकथाम र नियन्त्रणका लागि वडाका पार्टी सभापतिहरुलाई अक्सोमिटर(अक्सिजन नाप्नेयन्त्र) र थर्ममिटर (तापक्रम नाप्ने यन्त्र) लगायतका उपकरण समेत वितरण गर्नुभएको छ ।

    क्षेत्रीले होम आईसोलेशनमा बसेका वा कोभिड संग मिल्दो जुल्दो लक्षण भएका बिमारीहरुको परिक्षण उक्त सामग्री प्रयोग गर्नआग्रह गर्नुभयो । उहाँले वडातहमा आवश्यक भएको खण्डमा नेपाली काँग्रेस वडा कार्य समितिका साथीहरुसँग सम्पर्क गर्नअनुरोध समेत गर्नुभएको छ । क्षेत्री बाँकी वडामा केही दिनमा सामग्री उपलव्ध गराउने बताउनु भयो । पार्टी सभापतिहरुले कोरोनाका कारण वडामा परेको प्रभाव र समस्याका विषयमा जानकारी गराउँदै कोभिड –१९ बाट संक्रमितलाई अक्सिजनको मात्रा र तापक्रम थाहा पाउनका लागि अक्सिमिटर र थर्ममिटर अत्यन्तै आवश्यक पर्ने भएकोले यस सामग्रीको उपयोग गर्ने वडा सभापतिहरुले बताएका छन् ।

    संयोजक क्षेत्रीले कोरोना महामारीको समयमा नागरिकमा परेको प्रभाव र समस्याका विषयमा गाउँगाउँमा पुगेर जानकारी लिन अभियान थालेको बताउनु भयो । उहाँले कोरोनाको प्रभावका विषयमा साथीहरुसँग जानकारी लिने र आवश्यक सहयोगका विषयमा पार्टीसँग सल्लाह गर्ने बताउनु भयो । ‘अहिले हामी जिल्लाका दुवै निर्वाचन क्षेत्रका वडावडामा पुगेर त्यहाँको वस्तुस्थितीका विषयमा विवरण संकलन गरेका छौँ, सभापतिहरु सँग छलफल चलाएका छौँ,क्षेत्रीले भन्नुभयो,‘ हरेक वडावडामा पुगेर गुनासो र सुझाव संकलन गदै सोही अनुसार अगाडी बढने उदेश्य रहेको छ ।,’ कोरोनाको सम्भावित जोखिमलाई मध्येनजर गदै आगमी दिनमा आउने महामारीमा पार्टीपंक्तिलाई स्वास्थ्य सामग्री सहित फिल्डमा अग्रसर बनाउने उद्देश्यले स्वास्थ्य सामग्री वितरण गरेको उहाँको भनाई छ ।

    उक्त अभियानमा संयोजक क्षेत्री लगायत नेपाली काँग्रेस पर्वतका महाधिवेशन प्रतिनिधी सनम बेगम, नेपाली काँग्रेसका युवा नेता राजु आचार्य, विद्यार्थी नेता शिशिर शर्मा पौडेल, प्रेस युनियन पर्वतका सचिव साजन परियार लगायतको टोलीले कोरोना भाइरसको रोकथाम र नियन्त्रणका लागि पार्टीको भूमिका विषयमा जानकारी गराउनु भएको थियो । त्यस्तै कुश्मा नगरपालिकाका केही वडामा भएको अभियानमा संयोजक क्षेत्री, नेपाली काँग्रेसका प्रदेश सभा क का क्षेत्रीय सचिव कृष्ण लामिछाने, महाधिवेशन प्रतिनिधी वेगम, युवा नेता आचार्य, विद्यार्थी नेता पौडेल लगायतका नेता वडावडामा पुग्नु भएको थियो ।

    प्रतिकृया दिनुहोस्

    Loading...

    अस्ट्रेलियाबाट ब्रेन ट्युमर पिडित पत्रकारलाई विशेष अर्थिक सहयोग

    रौतहट जिल्लाको परोहा नगरपालिका – ८ नरकटीया निवासी सब. इन्सपेक्टर राम सुन्दर आर्य का छोरा...

    राष्टघातबिरुद्ध पर्वतका ३ राजनैतिक पार्टीहरुको बिज्ञप्ती, दलाल नेताहरुको कारण देश समस्यामा

    पर्वत । पछिल्लो समय अमेरीकी सहयोग परियोजना मिलेनियम च्यालेन्ज कर्पोरेशन (MCC) जस्तो राष्टघाती परियोजनाको बिरुद्ध...

    मलाई सिध्याउन लागेपछि पोखरेलविरुद्ध उजुरी दिएँ : विमला वली

    बुटवल । लुम्बिनी प्रदेश सांसद विमला खत्री वलीले निवर्तमान मुख्यमन्त्री शंकर पोखरेल र नेकपा एमालेले...

    राष्ट्रिय सभाको बैठक एमालेको अवरोधले मुख्य कार्यसूचीमा प्रवेश नै नगरी स्थगित

    काठमाडौं । प्रमुख प्रतिपक्षी नेकपा एमालेको अवरोधका कारण राष्ट्रिय सभाको बैठक मुख्य कार्यसूचीमा प्रवेश नै...

    वीरगञ्ज आइपुग्यो भारतबाट पहिलो निजी कार्गो रेल

    काठमाडौं । नेपाल–भारत रेल सेवा सुरुआतको १७ वर्षपछि पहिलोपटक भारतबाट निजी क्षेत्रको कार्गो रेल बुधबार...

    Loading…

    फेसबुकमा हामीलाई लाईक गरौं