पर्वत / न्युज डबली अनलाईन न्युज पोर्टलका सम्पादक दुर्गाप्रसाद शर्मा जनसेवाश्री पञ्चम पदकबाट बिभुषित हुनुभएको छ । राष्ट्रपति भवन शितल निवासमा शुक्रबार आयोजित बिशेष समारोहमा शर्मालाई राष्ट्रपति बिद्यादेबी भण्डारीलाई पत्रकार शर्मालाई बिभुषित गर्नुभएको हो ।
पर्वत जिल्लालाई कार्यक्षेत्र बनाएर दुई दशक भन्दा लामो समय देखि पत्रकारिता गर्दै आउनुभएका पत्रकार शर्माले पु¥याएको योगदानको कदर गर्दै नेपाल सरकारले संबिधान दिवसको दिन गत बर्ष असोज ३ गते जनसेवाश्री पदकबाट बिभुषित गर्ने निर्णय गरेको थियो । २०७६ सालमा पदकबाट बिभुषित गर्ने निर्णय भएपनि गत बर्ष कोरोना महामारीका कारण बितरण रोकिएको थियो ।
पर्वतको कुस्मा नगरपालिका वडा नं १४ आर्थर काहुलेमा जन्मनु भएका शर्मा २०५६ देखि ब्यबसायिक पत्रकारितामा क्रियाशिल हुनुहुन्छ । २०५६ मा न्यु धौलागिरी दैनिकबाट पत्रकारिता शुरु गर्नुभएका शर्मा एक दशक देखि न्यु कालीगण्डकी दैनिकको सम्पादक पदमा पनि कार्यरत हुनुहुन्छ । उहाँ नेपाल समाचारपत्र राष्ट्रिय दैनिकमा पनि २०५६ देखि नै संबाददाताको रुपमा कार्यरत हुनुहुन्छ । शर्माले यस अघि नेपाल वान टेलिभिजन, एबिसी टेलिभिजन, न्युज २४ टेलिभिजन, हिमाल खबरपत्रिका, उज्यालो नेटवर्क, पोखरापत्र दैनिक, ढोरपाटन दैनिक लगायतका सञ्चार माध्यममा समेत काम गरिसक्नुभएको छ ।
पत्रकारिता क्षेत्र संगै सामाजिक र शैक्षिक क्षेत्रको बिकासमा समेत शर्माको योगदान रहेको छ । कुस्मा नगरपालिका वडा नं १४ आर्थरमा रहेको पञ्चकोशी माध्यमिक बिद्यालयमा बिद्यालय ब्यबस्थापन समितिको अध्यक्ष भएपछि बिद्यालयलाई कुस्मा नगरपालिका कै नमुना बिद्यालयको रुपमा बिकास गर्न शर्माको महत्वपुर्ण भूमिका रहेको छ । पञ्चकोशी माबिमा कक्षा ५ सम्म मन्टेश्वरी बिधिबाट निशूल्क अध्यापन गराउने, बिद्यालयमा भौतिक पुर्वाधारको बिकास, पुस्तकालय, कम्प्युटर ल्याब, बिज्ञान प्रयोगशाला बनाउने र शैक्षिक सुधारका नयाँ नयाँ कार्यक्रम लागु गरेर बिद्यालयलाई नमुना बनाउनु भएको थियो ।
