पर्वत – कुश्मा नगरपालिका ३ दुर्लुङ्गका पहिरो पीडित परिवारलाई नेपाली कांग्रेसका युवा नेता विप्लव हमालले आर्थिक सहयोग गर्नुभएको छ । नेता हमालले पीडितको घरमा पुगेर १० हजार रुपैयाँ सहयोग गर्नुभएको छ ।
पहिरोमा परि स्वर्गेवास भएका तुल बहादुर थापा र कमला बिक को पीडित परिवारलाइ उक्त रकम हस्तान्तरण र्नुभएको हो । पहिरोबाट ठुलो जनधनको क्षति भएकोमा दु:ख व्यक्त गर्दै पीडित परिवारलाइ केहि राहत होस् भनेर आफुले सहयोग गरेको हमालले बताउनुभयो । उक्त रकम पीडित परिवारका सदस्य पदम बहादुर थापा र साबित्री वि.क.लाइ हस्तान्तरण गरिएको हो । नेता हमालले अकल्पनीय घटना र ठुलो जनधनको क्षतिले सबैलाई दुखी बनाएको छ ।
यो अबस्थामा आफ्नो ठाउँबाट केहि पहल गरौं भनेर सहयोग गरेको बताउँदै पहिरोमा परि मृत्यु भएकाहरुमा श्रद्धाञ्जली र परिवारप्रती समवेदना प्रकट गर्नुभएको छ । हमालले प्राकृतिक बिपत्ति कसैले रोकेर नरोकिने र जहिले जहाँपनि हुन सक्ने भन्दै यस्ता घटनामा सबैले मानवीय भावना राखेर सहयोग गर्न समेत आग्रह गर्नुभयो । हमाल नेपाली कांग्रेस पर्वतका युवा नेता क्षेत्रीय सदस्य तथा दर्जनौं शैक्षिक तथा सामाजिक संघसंस्थामा आबद्ध हुनुहुन्छ ।
