शिशिर पोखरा ।नेकपा एमाले वडा कमिटी पोखरा १९ को सम्पन्न वडा अधिवेशनले कोमल प्रसाद बास्तोलाको अध्यक्षतामा वडा कमिटी चयन गरेकोे छ । अधिवेशन भएको करिव एक महिना पछि कमिटीले नेतृत्व पाएको हो । एक महिनासम्म भएको सर्वसम्मतको प्रयास असफल भएपछि सम्पन्न निर्वाचनवाट पदाधिकारी टुङ्गो लगाईएको हो ।
अध्यक्षमा अर्का प्रत्यासी विकास गौतमलाई २३ मतको अन्तरले पराजित गर्दै बास्तोला निर्वाचित भए । बास्तोलाले १सय ५२ मत ल्याउँदा गौतमले १ सय २९ मत प्राप्त गरे । उपाध्यक्षमा दुर्गादेवी गौतम वस्नेतलाई हराउँदै, गीता भट्टराई भण्डारी विजयी भईन् । भण्डारीले १ सय ५२ मत र गौतमले ९४ मत मात्र प्राप्त गरिन् ।सचिवमा हरि वहादुर वरुवाललाई हराउँदै विकास कुमार आचार्य निर्वाचित भए । वरुवालले १ सय १७ मत र आचार्यले १सय ६२ मत प्राप्त गरे ।
त्यस्तै दुई उपसचिवका लागि ३ जनाको उमेद्वारी परेकोमा नवराज केसी १ सय ८९ मत, राजकुमार गहतराज १सय ७१ मत ल्याई विजयी भए भने अर्का प्रत्यासी राज वहादुर भण्डारीले १ सय ४७ मत प्राप्त गरे । ५१ सदस्यीय कमिटी बनाउन सक्ने प्रावधान भए पनि ३१ सदस्यीय कमिटी वनाउने तयारी निर्वाचित समितिले गरेको छ ।सचिवमा निर्वाचित आचार्य, उपाध्यक्षमा पराजित गौतम र उपसचिवमा निर्वाचित केसी जनप्रतिनिधी पनि हुन् । ३ सय ८० मतदाता रहेकोमा २ सय ८४ मत मात्रै खसेको बताईएको छ ।
वडा कमिटीसम्मै गुटगत प्रवृति भित्रिएको भन्दै अधिंकाश कार्यकर्ताले असन्तुष्टि जनाएका छन् । उनीहरुले केन्द्रमा देखिएको प्रवृति वडा र टोल कमिटीसम्म आउनुले पार्र्टी थप कमजोर बन्नेमा चिन्ता व्यक्त गरेका हुन् ।अधिवेशनको उद्घाटन गत पुस १३ गते एमाले नेता एवं पुर्व मन्त्री जगत विश्वकर्माले गरेका थिए ।
