चन्द्रौटा(कपिलवस्तु), ।
नेकपा निकट एकीकृत अखिल नेपाल शिक्षक संगठन शिवराज नगर कमिटीमा नयाँ नेतृत्व चयन भएको छ । शिवराज नगरपालिकाकाभित्र रहेका शिक्षकहरुको भेलाले चिरन्जीवि घिमिरे अध्यक्ष रहेको नयाँ नगर कमिटी सर्वसम्मत चयन गरेको हो । एकीकृत अखिल नेपाल शिक्षक संगठन शिवराज नगर कमिटीका बरिष्ठ उपाध्यक्षमा कृष्ण प्रसाद पौडेल, उपाध्यक्षमा कुण्डला गिरी, सचिव जीवलाल भुसाल, सहसचिव दिपेन्द्र खडका, कोषाध्यक्षमा विशाल पाण्डेलाई भेलाले सर्वसम्मत चयन गरेको छ ।
त्यस्तै सदस्यहरुमा महेश्वर खनाल, यज्ञ बहादुर कठायत, सुभाष केसी, रोहित गिरी, प्रगति पोख्रेल, मन्जु सापकोटा, भगवान दत्त पासी र बाकपुरा रोका चयन भएको नव निर्वाचित अध्यक्ष चिरन्जीवि घिमिरेले जानकारी दिएका छन् ।
नव निर्वाचित अध्यक्ष घिमिरेले विद्यालयमा सुधारमूलक काम गर्दै गुणस्तरीय शिक्षा प्रदान गर्ने प्रतिबद्धता ब्यक्त गरे । कार्यक्रममा नेकपा प्रदेश कमिटी सदस्य बालकराम बुढाले नव गठित नगर कमिटीलाई सफलताको शुभकामना दिंदै शिक्षकले नै विद्यार्थी तथा विद्यालयको गुणस्तरमा ध्यान दिन आग्रह गरे । बुढाले शिक्षकहरुको केही समस्या भए आफूहरुले समाधान गर्ने प्रतिबद्धता समेत जाहेर गरे । सोही भेलालाई सम्बोधन गर्दै नेकपा शिवराज नगर अध्यक्ष दिनेश पुनले शिक्षकहरुलाई ढुक्क भएर शिक्षा प्रवाह गर्न अनुरोध गरे । शिक्षकहरुले विद्यालय सुधारको लागि लाग्नुपर्ने सुझाव दिए ।
