SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७६/९/७ गते
    ४५१ &#२३४६;&#२३३५;&#२३२५;

    धरान, । सुनसरीको बराहक्षेत्र नगरपालिका ५ (साबिक भरौल गाविस) स्थित तत्कालीन नेकपा माओवादीका कार्यकर्ताको घर परिसरबाट एसएमजी हतियार र १० हजार थान गोली बरामद भएको छ। नेपाली सेनाको इटहरीस्थित पूर्वी पृतना मुख्यालयलाई विशेष सूचना प्राप्त भएपछि आइतबार सुरक्षा निकायले खानतलासी गर्दा हतियार र गोली बरामद भएको हो।

    एक थान खिया लागेको एसएमजी हतियार र नौ हजार नौ सय ८२ थान गोली भेटिएको जिल्ला प्रहरी कार्यालय सुनसरीका प्रमुख एसपी यज्ञविनोद पोखरेलले बताए। उनका अनुसार स्थानीय खेम प्रधानको घर परिसरको जमिनमुनि गाडिएको अवस्थामा हतियार र गोली बरामद गरिएको हो। ‘२० लिटर प्लाष्टिकको ड्रमभित्र हालेर गाडेको अवस्थामा हतियार र गोली भेटिए,’ एसपी पोखरेलले भने, ‘यसबारे थप अनुसन्धान भइरहेको छ।’

    हतियार र गोली भेटिएको घरका धनी प्रधान तत्कालीन नेकपा माओवादीका कार्यकर्ता हुन्। उनले २०६७ सालमा घर परिसरमा कुखुरा फार्म खोलेका थिए। हतियार र गोली सोही कुखुरा फार्ममुनि गाडेर राखिएको थियो। फार्म ढलान गरिएको जमिनमुनि गाडिएको अवस्थामा हतियार र गोली भेटिएकाले ती २०६७ सालअघि नै राखिएको सुरक्षा निकायको निष्कर्ष छ। ‘२०६७ सालमा कुखुरा फार्मको भुइँ ढलान भएकाले त्यहाँ त्यसभन्दा अघि नै हतियार र गोली गाडिएको भन्ने बुझिन्छ,’ एसपी पोखरेलले भने।

    यसअघि धरान ६ पानवारीबाट द्वन्द्वकालमा तत्कालीन नेकपा माओवादीले प्रयोग गरेको अत्याधुनिक हतियारसहित नेत्रविक्रम चन्द ‘विप्लव’ का कार्यकर्ता पक्राउ परेका थिए। आइतबार बरामद हतियार र गोली पनि सशस्त्र द्वन्द्वकालमा विद्रोही माओवादीले प्रयोग गरेको र शान्तिप्रक्रियामा आएपछि लुकाउन गाडिएको अनुमान गरिएको छ।

    स्थानीय बासिन्दाका अनुसार घरधनी प्रधान माओवादी सशस्त्र युद्धको समयमा अर्धभूमिगत थिए। तर पछिल्लो केही वर्षयता भने उनी राजनीतिमा सक्रिय नभएको बराहक्षेत्र नगरपालिकाका मेयर निलम खनालले बताए। ‘उनी पूर्वमाओवादी कार्यकर्ता हुन्, युद्धकालमा अर्धभूमिगत थिए तर पछिल्लो समय राजनीतिमा निष्क्रिय छन्,’ मेयर खनालले भने।

    हतियार र गोली भेटिएपछि प्रहरीले प्रधानलाई पक्राउ गरे, नगरेको विषयमा खुलाएको छैन। जिल्ला प्रहरी प्रमुख एसपी पोखरेलले हतियार र गोली बरामद भएको विषयमा अनुसन्धान भइरहेको मात्र प्रतिक्रिया दिए। ‘अनुसन्धान भइरहेको छ,’ उनले भने। नागरिक दैनिकले खबर छापेकाे छ ।

    प्रतिकृया दिनुहोस्

    Loading...

    नागरिकको स्वास्थ्य प्रति सदैव समर्पित रहने :- नगर प्रमुख शाह

    अजय मिश्र, कृष्णनगर | कपिलवस्तु जिल्लाको कृष्णनगर नगरपालिकामा संचालित रहेको नागरिक आरोग्य सेवा केन्द्र कृष्णनगर...

    दुखद् खबर : पर्वतको आम्बोटमा बस र मोटरसाईकल ठोक्किदा एकको मृत्यु

    पर्वत । पर्वतको आम्वोट स्थित पोखरा-बागलुङ सडकमा सोमवार दिउँसो यात्रुबहाक बस र मोटरसाईल ठोक्किएर भएको...

    संस्कृति, पर्यटन तथा नागरिक उड्डयन मन्त्री प्रेम आलेलाई कोरोना पुष्टि

      काठमाडौं । संस्कृति, पर्यटन तथा नागरिक उड्डयन मन्त्री प्रेम आलेलाई कोरोना भाइरसको संक्रमण पुष्टि...

    पर्सामा आजदेखि कोरोनाविरुद्ध बुस्टर डोज लगाइने

    पर्सा । कोरोनाविरुद्ध बुस्टर डोज पर्सा जिल्लामा आज लगाउने भएको छ । स्वास्थ्य कार्यालयका अनुसार...

    पशुपति धर्मशाला सेभेन स्टार होटलजस्तो बनाइएको रहेछ: मन्त्री आले

    संस्कृति, पर्यटन तथा नागरिक उड्डयन मन्त्री प्रेमबहादुर आलेले पशुपति धर्मशालाको निरीक्षण गरेका छन्। यो धर्मशाला...

    Loading…

    फेसबुकमा हामीलाई लाईक गरौं