शिशिर पोखरा। पोखरा १ भैरव टोलमा रहेको विन्ध्येश्वरी आदर्श बोडिङ्ग स्कुलमा त्रि दिवशीय खेलकुद कार्यक्रम मंगलबार सम्पन्न भएको छ।विद्यालयमा अध्ययनरत विद्यार्थीको शारीरिक विकास, मनोरञ्जन र प्रतिभा प्रस्फुटन गराउने उद्देश्यले आयोजित प्रतियोगिताको आज तेस्रो दिनको प्रतियोगिताहरु सम्पन्न भएका हुन् । जुनियर छात्र तर्फ बास्केटबल प्रतियोगिताको अन्तिम खेलमा पहेँलो सदन प्रथम र रातो सदन द्वितीय भएका छन् । सिनियर छात्रातर्फ बास्केटबल प्रतियोगितामा रातो सदन प्रथम र निलो सदन द्वितीय भएका छन् ।
भने छात्र तर्फ रातो सदन प्रथम र निलो सदन द्वितीय भएका छन् । यस्तै घैँटो फुटाउने खेलमा जुनियर तर्फ कक्षा ५ की अदिती तिमिल्सिना र सिनियर तर्फ कक्षा ६ का सफल खड्का प्रथम भएका छन् ।
टेबल टेनिस प्रतियोगितामा सफल थापा प्रथम, दिप्सन क्षेत्री द्वितीय र प्रज्वल मल्ल तृतीय भएका छन् । खेलकुद प्रतियोगितामा विद्यालयले विभिन्न तहगत रुपमा करिब २४ ओटा खेल आयोजना गरिएको थियो ।
कार्यक्रमको समापन गर्दै विद्यालयका प्राचार्य कृष्णकुमार श्रेष्ठले खेलकुद कार्यक्रममा विद्यार्थीको उत्साह एवम् सहभागिता चाख लाग्दो रहेको बताउदै , यसले विद्यार्थीहरुको शारीरिक तथा मानसिक विकास हुन सहयोग हुने बताए ।विजेता विद्यार्थीलाई आगामी पौष ४ गते हुने विद्यालयको वार्षिकोत्सवमा पुरस्कार वितरण गरिने जनाइएको छ ।
