शिशिर पोखरा । निजी अस्पतालहरुको छाता संस्था एसोसिएसन अफ प्राइभेट हेल्थ इन्स्टिच्युसन अफ नेपाल (अफिन) गण्डकीको नवनिर्वाचित समितिले पुर्णता पाएको छ।
यस अघि अध्यक्षमा चरक मेमोरियल अस्पतालका कपिल पोखरेल निर्वाचित भएका थिए । नवनिर्वाचित समितिले आमन्त्रित सदस्य र सल्लाहकार चयन गरि समितिलाई पूर्णता दिएको हो ।गत कात्तिक १० गते अधिवेशन भए पनि कार्यसमिति र सल्लाहकार समितिले अहिले पूर्णता पाएको हो ।
अफिन गण्डकीको हालै भएको अधिवेशनबाट उपाध्यक्षमा फेवासिटी हस्पिटलकी डा चण्डिका पण्डित, सचिवमा कास्की मोडेल हस्पिटलका सूर्यप्रसाद पोख्रेल र कोषाध्यक्षमा नेसनल एपोलो अस्पतालका चूडामणि दाहाल चयन भए ।
सदस्यमा मेट्रो सिटी हस्पिटलका डा चन्द्रबहादुर मिश्र, पार्कल्यान्ड हस्पिटलका महेन्द्र केसी पोखरा ॐ हस्पिटलका जगन्नाथ गौतम, रिजनल हस्पिटलका सबिन अधिकारी, आविष्कार हस्पिटलका डा सञ्जय कोइराला चयन भए ।
आमन्त्रित सदस्यमा डा. केशव शर्मा, डा. अमृत केसी, कल्पना पौडेल घिमिरे, रामचन्द्र सिग्देल चयन भएका छन् । सल्लाहकारमा अशोक पालिखे, प्राडा बुद्धिबहादुर थापा, प्राडा भरतबहादुर खत्री, डा प्रेमबहादुर पुन, डा ऋषिराम ढकाल, डा. आनन्द भट्टराई र नरेन्द्र बास्तोला मनोनयन भएका छन् ।
संस्थाको मिडिया सल्लाहकारमा संचारकर्मी ऋषि खतिवडा र कानुनी सल्लाहकारमा अधिवक्ता हरिप्रसाद पण्डित छन् ।अफिनको कार्य समितिको कार्यकाल २ वर्षको हुने बताईएको छ।
