SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/११/२० गते
    ४५३ &#२३४६;&#२३३५;&#२३२५;

    एमसिसी संसदबाट पारित गरेको बिरोधमा विभिन्न आठ वटा राजनीतिक दलहरूले काठमाडौंमा प्रदर्शन गरेका छन्।

    संसदबाट पारित गरिएको एमसिसी राष्ट्रघाती भएको उल्लेख गर्दै साना बाम राजनीतिक दलहरूले शुक्रबार काठमाडौंको टुँडिखेलमा प्रदर्शन गरेका हुन्।

    विरोध प्रर्दशन कार्यक्रमलाई सम्बोधन गर्दै नेकपा महासचिव नेत्रविक्रम चन्दले संसदबाट पारित भएको राष्ट्रघाती एमसिसी सम्झौता कुनै पनि हालतमा कार्यान्वयन हुन नदिने चेतावनी दिए।

    उनले त्यसका लागि एकतावद्ध भएर अघि बढ्न पनि सबै देशभक्त, क्रान्तिकारीहरूलाई आह्वान गरे। एमसिसी पारित गरेसँगै संसदको औचित्य समाप्त भएको भन्दै महासचिव चन्दले अव देशलाई जोगाउने दायित्व नेपाली जनताको काँधमा आएको बताए।

    उनले प्रचण्ड–माधव नेपालले एमसिसी संसदबाट पारित गराएर देश र जनताप्रति ठूलो घात गरेको आरोप लगाए। एमसिसी खारेज गर्नुपर्ने र त्यसका लागि सबैले आफूहरूलाई साथ दिनुपर्ने महासचिव चन्दको भनाइ थियो। ‘कम्युनिष्ट भनिने नेताहरू, एमालेका नेताहरू, माओवादीका नेताहरूले देशलाई संसदबाट बेचिरहेका छन्। आजको दिनमा प्रचण्डको अनुहार सबैभन्दा हेर्न लायक छ। नेपाली जनताले एमसिसीको विरोध गरिरहेका छन्। हरेक पार्टीभित्र यसको विरोध भइरहेको छ,’ उनले भने, ‘जनताले खारेजको माग गरेका छन्। प्रचण्ड र माधव नेपालहरूले नेपाली जनतामाथि सबैभन्दा बढी घात गरे। एमसिसी लागू हुने छैन।’

    एमसिसीले नेपालीको जीवनमा भयानक दुर्घटना लिएर आउने उनले दाबी गरे। चन्दले १२ बुँदे व्याख्यात्मक टिप्पणीको कुनै अर्थ नरहेको बताए।

    नेकपा (क्रान्तिकारी माओवादी)का नेता सिपी गजुरेलले एमसिसी राष्ट्रघाती भएको उल्लेख गर्दै त्यसलाई खारेज गर्न पहल गर्न सबै देशभक्त, क्रान्तिकारीहरूलाई आह्वान गरे। उनले एमसिसी पारित गर्ने संसदको पनि औचित्य समाप्त भएको बताए।

    ‘देशभक्तहरू छन् भने उनीहरू हाम्रो मोर्चामा आउन्। जब राष्ट्रघाती सम्झौता पारित भयो, तव संसदको औचित्य समाप्त भयो। एमसिसी राष्ट्रघाती हो भन्ने जनमत बढेको छ,’ उनले भने, ‘अमेरिकाको विरूद्धमा जनमत सिर्जना गर्नुपर्‍यो। राष्ट्रिय युद्धको वातावरण बनाउनु पर्छ।’

    राष्ट्रिय जनमोर्चाका अध्यक्ष चित्रबहादुर केसीले एमसिसी कार्यान्वयनमा आए नेपालको हालत युद्धरत् मुलुकहरू इराक, सिरिया, अफगानिस्तानको जस्तो हुने चेतावनी दिए। उनले एमसिसी राष्ट्रधाती सम्झौता भएको उल्लेख गर्दै त्यसको प्रतिवादमा उत्रन पनि सबैलाई अपील गरे।

    अध्यक्ष केसीले अमेरिकीको समर्थनमा निर्वाचन जित्नका लागि ठूला राजनीतिक दलहरूले प्रतिस्पर्धा गरेर एमसिसीजस्तो राष्ट्रघाती सम्झौता पारित गराएको आरोप लगाए। ‘अमेरिकी आशीर्वाद लिएर चुनाव जित्नका लागि ठूला दलहरूले एमसिसी संसदबाट पारित गराउन प्रतिस्पर्धा गरे। देशको हितमा होइन। नेपाली जनताको हितमा होइन। राष्ट्रियताको संरक्षण गर्न होइन,’ उनले भने।

    विरोध सभामा नेकपा (क्रान्तिकारी माओवादी)का महासचिव मोहन वैद्य, वैज्ञानिक समाजवादी कम्युनिष्ट पार्टी, नेपाल, देशभक्त जनगणतान्त्रिक मोर्चासहितका विभिन्न राजनीतिक दलका नेताहरूले एमसीसी राष्ट्रघाती भएको उल्लेख गर्दै त्यसलाई कार्यान्वयनमा आउन नदिन सशक्त आन्दोलन गरेर अघि बढ्नुको विकल्प नरहेको बताएका थिए।

     

    प्रतिकृया दिनुहोस्

    Loading...

    दुई हजार श्रमिक इजरायलमा केयर गिभरमा पठाइने

    काठमाडौं । द्वन्द्वग्रस्त मुलुक इजरायलमा २ हजार संख्यामा केयर गिभर श्रमिक पठाइने भएको छ ।...

    ह्याण्डबल संघको मोदी गाउँपालिका समिति गठन

    पर्बत,तिलाहार । जिल्ला ह्याण्डबल संघ पर्वतको अग्रसरतामा ह्याण्डबल संघ मोदी गाउँपालिका समिति गठन भएको छ...

    विपद् ब्यवस्थापन र न्यूनीकरणमा सबैको ध्यान केन्द्रित गरौँ : मुख्यमन्त्री पाण्डे

    पोखरा । गण्डकी प्रदेशका मुख्यमन्त्री सुरेन्द्रराज पाण्डेले विपद् ब्यवस्थापन र न्यूनीकरणका सवालमा सबैको ध्यान केन्द्रित...

    सामाजिक कथामा आधारित सिनेमा ईश्वर, हलमा दर्शक आउने आशावादी

    पोखरा । साउन ११ गतेबाट रिलिज हुन लागेको सिनेमा ईश्वर सामाजिक कथामा आधारित रहेको निर्माण...

    ओली सरकारमा समावेशी भन्ने कुरा नारामा सिमित ,दलितविहीन मन्त्रिपरिषद्, २ जना मात्रै महिला

    काठमाडौं । नवनियुक्त प्रधानमन्त्री केपी शर्मा ओलीले आफूसँगै २१ मन्त्रीहरूको पनि शपथ गराएका छन् ।...

    Loading…

    फेसबुकमा हामीलाई लाईक गरौं