काठमाडौं । काठमाडौं उपत्यकामा जारी गरिएको स्मार्ट लकडाउन केही खुकुलो बनाइने भएको छ । जस अन्तर्गत सवारी साधनमा लगाइएको जोर बिजोर प्रणाली सोमबार (आज)बाट हट्ने भएको छ ।
यसअघि सार्वजनिक र प्राइभेट दुवै प्रकारको सवारी संचालनमा जोर-बिजोर लागू गरिएको थियो । तर केही दिन अघि सीसीएमसीसीले प्राइभेट र भाडाका ट्याक्सीहरुलाइ मात्रै जोर-बिजोर लागू गरेको थियो ।
कोरोना महामारीको तेस्रो लहर घट्दै गएको भन्दै सीसीएमसीसीले काठमाडौं उपत्यकामा जोर बिजोर प्रणली आजबाट हटाउन सिफारिस गरेको हो ।
काठमाडौं उपत्यकामा जोर बिजोर प्रणाली हटाउनेबारे तीनै जिल्लाका प्रमुख जिल्ला अधिकारीको संयुक्त बैठकमार्फत निर्णय गरिएको हो ।
सिसिएमसीसीले दिएको आदेशका आधारमा काठमाडौं, भक्तपुर र ललितपुर जिल्लाका प्रमुख जिल्ला अधिकारीहरुको संयुक्त बैठकले उक्त निर्णय गरेको हो ।
निर्णय अनुसार विद्यालय तथा कलेजहरु भने आगामी फागुन १ गतेदेखि मात्रै पूर्णरुपमा संचालनमा आउने छन ।
भौतिक रुपमा सञ्चालन गर्न पाइने भएपनि १२ वर्ष मुनिका बालकालिकाका लागि स्थानीय तहले जिम्मा लिने छ ।
