SuchanaKendra

  • Radio Kushum


    सुचनाकेन्द्र संवाददाता प्रकाशित : २०७८/१०/२० गते
    ७३१ &#२३४६;&#२३३५;&#२३२५;

    विश्वभर कलेजोको क्यान्सरका कारण धेरै व्यक्तिहरुको मृत्यु हुने गरेको पाइन्छ । कलेजोको क्यान्सर विभिन्न कारणले हुने गर्छ । तर, विशेषगरी डाक्टरका अनुसार कलेजोको क्यान्सरको मुख्य कारक तत्व भनेको नै खानेकुरा हो । अत्यधिक मात्रामा जंक फुडले कलेजोको क्यान्सर गराउँछ ।

    कसरी हुन्छ कलेजोको क्यान्सर ?
    बेंगलुरुको मणिपाल हस्पिटलका प्रमुख डाक्टर राजीव लोचनले हिन्दुस्तान टाइम्सलाई भनेका छन्, ‘कलेजोको क्यान्सर सामान्यतयाः ह्यापोटोसेलुलर कार्सिनोमा र इन्ट्रोहेपेटिक कोलेन्जियोकार्सिनोमा हो । यसको कारण हेपेटिक एडेनोमा र फोकल नोड्युलर हाइपरप्लासिया जस्ता कलेजोमा हुने ट्युमर हुनसक्छन् । यसको प्रमुख कारणमा हेपाटाइटिस बी र सी भाइरस संक्रमण, सिरोसिस, आर्सेनिक मिसिएको दूषित पानी, मोटोपन, मधुमेह र अत्यधिक रक्सि सेवन नै हो ।’

    उनी अगाडि भन्छन्, ‘यो सबै कुराले फ्याटी लिभर बनाउने र अन्तमा क्यान्सर लाग्ने सम्भावना हुन्छ । फ्याटी लिभर सामान्यतयाः मोटोपना भएका व्यक्तिहरुमा हुन्छ । मधुमेह र हाई लिपिड प्रोफाइल भएका व्यक्तिहरुमा पनि फ्याटी लिभर हुन्छ । खाना खाने खराब बानी, बोसो र चिनीको धेरै सेवनले लिभरलाई फ्याटी बनाउँछ । जो व्यक्तिको मेटाबोलिज्म खराब हुन्छ उनीहरुको कलेजोमा फ्याटी लिभर ट्युमरमा परिवर्तन हुन्छ ।’

    जंक फुड
    जंक फुड नियमित जीवनयापनको हिस्सा बन्न थालेको छ । जंक फुडको मतलब सही तरिकाले नपकाएको खाना हो । यसले कलेजोको क्यान्सर गराउने सम्भावना धेरै हुन्छ । जंक फुडमा हाइड्रोकार्बन हुन्छ जसमा हुने कार्सिनोजेनिक नामक केमिकलले क्यान्सर गराउने पदार्थ उत्पादन गर्छ ।

    हाम्रो शरीरमा सही र गलत दुवै प्रकारका ब्याक्टेरिया हुन्छन् । जंक फुडले गलत ब्याक्टेरियालाई बढाउँछ र क्यान्सर गराउने सम्भावना पनि बढाउँछ । डाक्टरका अनुसार खराब जीवनशैली, धेरै क्यालोरी भएको खाना, धेरै कार्बोहाइड्रेट भएको खाना, सोडा भएको पेयपदार्थ र व्यायामको कमिले पनि कलेजोको क्यान्सर गराउँछ । त्यसैले विशेषज्ञले विशेषगरी जंक फुडको सेवन घातक भएको बताएका छन् ।

    प्रतिकृया दिनुहोस्

    Loading...

    अखिल क्रान्तिकारीको अध्यक्षमा ‘हेभिवेट’उम्मेदवारको रूपमा पर्वतका सापकोटा

    काठमाडौँ। नेकपा माओवादी केन्द्र निकट विद्यार्थी संगठन अखिल क्रान्तिकारीको अध्यक्षमा सात जनाले उम्मेदवारी दर्ता गरेका...

    कुश्मा नगरपालिकाकामा माघ २२ गतेदेखि दश वर्षदेखि १४ वर्षसम्मका किशोरीहरुलाई एचपिभि खोप लगाईने

    पर्वत । पर्वतको कुश्मा नगरपालिकाका एक हजार पाँच सय किशोरी अर्थात छात्रालाई पाठेघरको मुखको क्यान्सर...

    शिक्षकलाई निजामती कर्मचारी सरह बनाउनु पर्छः सभापति थापा

    शिशिर उजाड,पोखरा । संघीय शिक्षा,स्वास्थ्य तथा सूचना प्रविधि समितिले देशका विभिन्न भागमा पुगी संघीय शिक्षा...

    अन्नपूर्ण गाँउ पालिका वडा नं. २ मा काँग्रेसको अभियान

    पोखरा । कास्कीको अन्नपूर्ण गाँउ पालिका वडा नं. २ मा नेपाली काँग्रेसको एक सय दिने...

    पोखरामा भोलिबाट राष्ट्रिय औद्योगिक व्यापार मेला एवं आइटी महोत्सव

    पोखरा । पोखराको नयाँबजारमा रहेको प्रदर्शनी केन्द्रमा भोलिबाट राष्ट्रिय औद्योगिक व्यापार मेला एवं आइटी महोत्सव...

    Loading…

    फेसबुकमा हामीलाई लाईक गरौं