पर्वत | पर्वत जेसीजले २१ वर्षपछि दोस्रो महिला अध्यक्ष पाएको छ । २०२२ को नेतृत्वमा उषा चापागाईलाई निर्वाचित गराएको छ, त्यो पनि संस्थामा निरन्तर १५ वर्षको यात्रामा ।
शनिवार सम्पन्न शाखाको २५ औँ अधिवेशन तथा २६ औँ वार्षिक साधारणसभाबाट चापागाई अध्यक्षमा सर्वसम्वत निर्वाचित हुनु भएको हो ।
२००७ बाट पर्वत जेसीजमा आबद्ध चापागाईले १५ वर्षपछि नेतृत्व गर्ने अवसर पाउनु भएको छ ।
शाखामा निर्देशक, उपाध्यक्ष, महिला कार्यक्रम संयोजक, सहकोषाध्यक्ष, कार्यकारीणी उपाध्यक्ष, कानुनी सल्लाहकार, महासचिवलगायत विभिन्न पदहरुमा रहेर कुशलतापूर्वक भूमिका निर्वाह गर्नु भएकी चापागाई २०२१ को महासचिवमा रहेर काम गर्नु भएको थियो ।
२००१ मा सकुन्तला श्रेष्ठलाई शाखाले पहिलो महिला अध्यक्षको रुपमा पाएको थियो ।
नवनिर्वाचित अध्यक्षको पारिवारिक पृष्ठभूमि नै जेसीज अभियानमा जोडिएको छ । उहाँका बुबा बसन्त बहादुर सिके चापागाई पर्वत जेसीजको मानार्थ सदस्य तथा काका अर्जुन चापागाई शाखाका पूर्व अध्यक्ष तथा नेपाल जेसीजका पूर्व कार्यकारीणी उपाध्यक्ष समेत भइसक्नु भएको छ ।
यसैगरी शाखाको कार्यकारीणी उपाध्यक्षमा विष्णु प्रसाद तिवारी, अमृत प्र. पोखरेल, उपाध्यक्षहरुमा सत्येन्द्र श्रेष्ठ , अच्युत पौडेल, गोकुल चापागाईं, बिद्या आचार्य र निर्देशक पदमा प्रतीक्षा क्षेत्री , अर्जुनराज पुरी निर्बिरोध निर्वाचित भएका छन् ।
साथै अध्यक्ष चापागाईले महासचिवमा हेमन्तबाबु आचार्य, कोषाध्यक्षमा सुरज श्रेष्ठ, कानुनी सल्लाहकारमा विनोद आचार्यलाई मनोनित गर्नु भएको छ ।
शाखाका संस्थापक अध्यक्ष सिनेटर दुर्गाप्रसाद श्रेष्ठको प्रमुख आतिथ्यता तथा शाखाका अध्यक्ष सुमन श्रेष्ठको सभापतित्वमा सम्पन्न कार्यक्रममा शाखाका २० जना भन्दा बढी पूर्व अध्यक्षहरुको भेलाले साधारणसभा सम्पन्न भएको थियो । कार्यक्रमको सञ्चालन महासचिव उषा चापागाईले गर्नु भएको थियो ।
