पर्वत । अजोड इन्स्योरेन्स लिमिटेड पर्वतले वीमा समितिको स्वीकृत वमोजिम क्षति मुल्यांकनकर्ताहरुलाई ३ दिने अभिमुखिकरण तालिम प्रदान गरेकाे छ ।
कुश्मा बजारमा मिति २०७८/०९/२५ देखि २०७८/०९/२७ सम्म पशुपन्क्षि तथा कृषि विमाको क्षति मुल्यांकनकर्तालाइ तालिम प्रदान गरीएकाे पर्बत शाखा प्रमुख बिक्रम ढुंगानाले जानकारी गराएका छन ।
क्षति मुल्यांकनकर्ताहरुलाई ३ दिने अभिमुखिकरण तालिम पशुपन्क्षि तथा कृषि विमाको क्षति निर्देशिका बमोजिम विमा समितिका सहायक निर्देशक पुर्ण वहादुर थापाले प्रशिक्षण प्रदान गर्नुभएको थियो ।
अजोड इन्स्योरेन्स लिमिटेडको तर्फ देखि पशुपन्क्षि तथा कृषि बिभाग प्रमुख दिपक पोख्रेलले तालिमका कारण बिमा क्षेत्रमा दक्ष जनशक्ति तथा कृषि तथा पशुपन्क्षि दावी सरल र व्यवस्थित हुने बताउनु भयो ।
उक्त कार्यक्रममा सहभागिलाइ प्रमाण पत्र वितरण गर्दै बिमा समितिका सहायक निर्देशक पुर्ण वहादुर थापा ,अजोड इन्स्योरेन्स लिमिटेडको तर्फ देखि पशुपन्क्षि तथा कृषि बिभाग प्रमुख दिपक पोख्रेल र बजार बिभाग नायब प्रबन्धक यादब प्रसाद पाठक गर्नुभएको थियो साथै कार्यक्रम संचालन अजोड इन्स्योरेन्स लिमिटेड पर्बत शाखा प्रमुख बिक्रम ढुंगानाले गर्नु भएको थियो ।
