पर्वत । नेत्र बिक्रम चन्द बिप्लव नेतृत्वको नेकपा निकट जन वग्रिय संगठन अखिल नेपाल महिला संघ क्रान्तिकारी पर्वतको बैठक सम्पन्न हालै सम्पन्न भएको छ । नेपाल कम्युनिष्ट पार्टीेको जिल्ला जनसम्पर्क कार्यालयमा भएको बैठकले यहि असोज २ गते जिल्ला सम्मेलन गर्ने निर्णय समेत गरेको छ ।
जिल्ला सम्लेलनको तयारीको लागि छलिमाया अधिकारीको संयोजकत्वमा १५ सदस्यीय जिल्ला समिति गठन गरिएको छ । जसको सदस्यहरुमा हिमा नेपाली, सान्ती नेपाली, जिमाया बिश्वकर्मा, शान्ति बि.क., सिता परियार, रुमा परियार, बिष्णु परियार, भुला दर्जि, साबित्री परियार, सुस्मिता नेपाली, अनिता र निरुता लगायत रहेका छन् ।
बैठकमा निर्देशनात्मक मन्त्ब्य राख्दै नेकपा पर्वतका इन्चार्ज तथा केन्द्रिय सदस्य बिकिरणले समाजमा भए गरेका महिला अधिकारको हनन, बलात्कार जस्ता अपराधका बिरुद्धमा आम महिलाहरुलाई एकजुट बनाउने अभियान चलाउन निर्देशन दिनुभएको थियो ।
बिकीरणले नेपाली समाजमा बढ्दै गएको महिलामाथीको अपराधीकरणका बिरुद्ध जुध्नसक्ने एक मात्रै पार्टी नेकपा भएकोले यसको झण्डा र एकिकृत जनक्रान्तिको बिचार मुनी गोलबन्द भएर मात्रै अधिकार प्राप्ती संभव भएकोले सबै कहिलाहरुलाई एकजुट हुन आग्रह गर्नु भयो ।
छलिमाया अधिकारी श्रृजनाको अध्यक्षमा भएको अखिल नेपाल महिला संघ क्रान्तिकारी पर्वतको बैठकमा अखिल नेपाल महिला संघ क्रान्तिकारी केन्द्रिय सचिब उशा घर्ति, केन्द्रिय सदस्य ममता शाहि, नेकपा पर्बत कार्यलय सचिब कृष्ण बि क, जिल्ला सदस्य टीका बि क लगायतले प्रशिक्षण गर्नुभएको थियो ।
