काठमाडौं । हालै सम्पन्न झारखंड विधानसभा चुनावमा भाजपा कमजोर भएको छ । यहाँ भाजपा कांग्रेस झामुमो गठबन्धनसँग पराजित भयो । पूर्व मुख्यमन्त्री हेमन्त सोरेनको नेतृत्वमा रहेको महागठबन्धनले ४७ सीट जित्दै बहुमत प्राप्त गर्यो । अर्को तिर बीजेपी ८१ सीटको विधानसभामा केवल २५ सीटमा सिमित भयो ।
सोमबारको नतिजा पछि कांग्रेस अध्यक्ष सोनिया गान्धी र पूर्व अर्थमन्त्री पी चिदम्बरमले भाजपालाई कडा जवाफ फर्काएका छन् । सोनियाले धर्म र जातिको आधारमा मानिसहरूलाई विभाजन गर्ने भाजपाको प्रयास असफल भएको भनेकी छिन् ।
उनले यो जीत वर्तमान परिस्थितिमा धेरै महत्वपूर्ण भएको पनि खुलाएकी छिन् । भाजपाको विभाजनकारी एजेन्डालाई अस्वीकार गरेकोमा झारखंडका जनतालाई धन्यवाद दिदै कांग्रेस नेता एवं पुर्व अर्थमन्त्री पी। चिदम्बरमले भाजपाको पराजयलाई जनताको जित भनेका छन् ।
उनले ट्वीट गरेर यस्तो जानकारी दिएका हुन् । उनले लेखेका छन, ‘२०१९ मा यो बीजेपीको कहानी हो । हरियाणामा कमजोर, महाराष्ट्रमा अस्वीकृत र झारखंडमा हरायो । भारतको संविधान बचाउन सबै गैर बीजेपी पार्टीहरू आएर कांग्रेससँगै जुलुस गर्नुपर्दछ ।’ यो भन्दा पहिले कांग्रेस पुर्व अध्यक्ष राहुल गान्धीले पनि जनताले भाजपाको एजेन्डा मन नपराएको बताएका थिँए ।
