काठमाडौं । हालै भारतले नेपालको कालापानी, लिपुलेक लगायतको भुभाग अतिक्रमण गरेको छ । अहिले नेपालका यसको खुलेरै विरोध भइरहेको छ । भारतले अतिक्रमण गरेको नेपाल भुमिमा सत्तारूढ दल नेपाल कम्युनिष्ट पार्टी(नेकपा)को विद्यार्थी भातृसंगठन अनेरास्ववियुले नेपाली झण्डा फहराएको छ ।
भारतिय सिमा सुरक्षा वल (एसएसबि) को प्रतिकार गरि इलामको सन्दकपुर गाउँपालिका वडा नं.४ मा भारतले अतिक्रमण गरेको भुमिमा अनेरास्ववियु इलाम जिल्ला कमिटीले आज नेपालको राष्ट्रिय झन्डा फहराएको हो । केही समय अगाडि गाउँपालिकाले निर्माण सुरू गरेको भ्यु टावरलाइ निर्माण अवरुद्ध गरि भारतले कब्जा जमाएको उक्त क्षेत्रमा अनेरास्ववियुले झण्डा फहराएको अनेरास्ववियुका नेता आरसी लामिछानेले जानकारी दिए ।
सो अतिक्रमण गरेको जमिनमा अनेरास्ववियुले नेपालीको राष्ट्रिय झन्डा फहराउन खोज्दा भारतिय सिमा सुरक्षा वल (एसएसबि)ले वल प्रयोग गरेपछि सामान्य झडप समेत भएको थियो । झडपमा एसएसबिका एक जवान सामान्य घाइते भएका छन । अनेरास्ववियुका नेता रबिन्द्र सुवेदीको नेतृत्वमा गएको टोलिले भारतद्वारा निशेधित क्षेत्र भनिएर लेखिएको वोर्ड समेत भत्काएर फ्याकिदिएका छन ।
