सुचनाकेन्द्र संवाददाता प्रकाशित : २०७६/५/७ गते
अमृत भट्टराई / बिहादी, पर्वत । पर्वतको दक्षिणी भेगमा पर्ने बिहादी गाउँपालिका वडा नम्बर चार वहाकीमा शनिबार दिउँसो ३:१५ मा बिहादीको वहाकी बाट बिहादीकै भुसाल चोक आउदै गरेको ध. १ त ४८३ नम्बरको ट्याक्टर दुर्घटनामा परेको छ ।
विहादी गाउँपालिका चार वहाकी का सुन्दर भुसालको ट्याक्टर दुर्घटनामा परेको हो दुर्घटनामा परि ट्याक्टर चालक बिहादी गाउँपालिका ३ रानीपानी कुमाल गाउँका २५ वर्षीय केशव बहादुर कुमाल घाइते भएका छन् ।
घाइते कुमाल लाई उपचारका लागि स्याङ्जाको वालिङ् हस्पिटल पठाइएको स्थानीले जनाएका छन् ।
ट्याक्टरले वहाकी – भुसालचोक सडकखण्डको बिच भागमा रोकिराखेको लु.३४ प ७६६७ मोटरसाइकल लाई ठक्कर दिएर ट्याक्टर भगाउने क्रममा अनियन्त्रित भइ सडक बाट ४० मिटर तल खसेको र ट्याक्टर पुर्ण रुपले क्षेती भएको प्रहरीले जनाएको छ ।
