![](http://suchanakendra.com/wp-content/uploads/2024/06/FB_IMG_1718726409456-800x600.jpg)
सचिन्द्र श्रेष्ठ। अन्तर्राष्ट्रिय नेपाली रक्तदाता संघको भगिनी संस्था नेपाली रक्तदाता संघ युएईले, यूएईको दुबईमा दुबई हेल्थ अथोरोटी सँगको सहकार्यमा बृहत् रक्तदान कार्यक्रम दुबई हेल्थ अथरिटीकै परिसरमा रक्तदान कार्यक्रम सम्पन्न गरेको छ । नेपाली रक्तदाता संघ युएईका जगन अधिकारीको संयोजकत्वमा सम्पन कार्यक्रममा रक्तदातालाई निःशुल्क परामर्श सहित चिसो र नास्ताको व्यवस्था गरिएको थियो।
उक्त कार्यक्रममा युएईमा बसोबास गर्ने नेपाली दाजु भाई, दिदीबहिनीहरु, समाजसेवी, बुद्दीजिवी,नेपाली राजदूतावास यूएई,सामाजिक संघ संस्था लगायतको बाक्लो उपस्थिति रहेको थियो।
मानव जीवनको अत्यन्तै पुण्य काम रक्तदान हो । रगतको अभावमा कुनै पनि मानव जातिले ज्यान गुमाउनु नपरोस भनी रक्तदान कार्यक्रम आयोजना गरिएको संघका अध्यक्ष बासुदेव ढुंगानाले बताए ।
यो बर्ष देखि यूएईमा बसोबास गर्ने नेपालीहरुमा नयाँ नयाँ स्वयंसेवी रक्तदाताहरूको संख्यामा थप वृद्धि गर्ने र यो कार्यक्रम यूएईको पहिलो कार्यक्रम भएको अन्तर्राष्ट्रिय नेपाली रक्तदाता संघका कार्य समिति सदस्य सुनील श्रेष्ठले बताए।
स्वयंसेवी रक्तदाताहरूलाई थप उत्प्रेरणा गराउन सन् २००४ जुन १४ देखि विश्व रक्तदाता दिवस मनाउन थालिएको हो भने नेपालमा बि.स.२००० साल देखि रक्तदान कार्यको सुरुवात भएको इतिहास छ । समाजसेवी दयावीरसिंह कंसाकार नेपालका पहिलो रक्तदाता हुन् ।
डा. कार्ल ल्याण्डस्टिनरको जन्म दिन जुन १४ लाई विश्व रक्तदाता दिवस भनी घोषणा गरिएको छ।सोहि अनुरूप जून १७ मा यूएईमा सम्पन्न रक्तदान कार्यक्रममा कूल १३८ जना रक्तदाताले रक्तदान गरेका थिए।