शिशिर पौडेल, पोखरा । त्रिभुवन विश्वविद्यालयबाट संचालित स्नातक तह व्यवस्थापन संकाय तर्फको नतिजामा पोखराको विन्ध्यवासिनी क्याम्पस उत्कृष्ट भएको छ ।
बाटुलेचौरमा रहेको क्याम्पसवाट बिबिएस दोस्रो वर्षको सार्वजनिक नतिजामा क्याम्पसबाट सहभागी निर्मला रेग्मीले ७९.४ प्रतिशत नतिजा प्राप्त गरेकी छन्। उनले प्राप्त गरेको नतिजा देशभरकै उत्कृष्ट रहेको क्याम्पसले दावी गरेको छ।
क्याम्पसका प्राध्यापक माधव अधिकारीले आफ्नो विद्यार्थीले प्राप्त गरेको नतिजा देशभरकै उत्कृष्ट रहेको दाबी गरे ।उनले क्याम्पसको वातावरण शिक्षा केन्द्रित र गुणस्तरीय शिक्षाको हकमा कुनै कन्जुस्याइँ नगरेका कारण नतिजा उत्कृष्ट आएको दावी गरे ।
क्याम्पसले उत्कृष्ट नतिजा ल्याउने रेग्मीलाई बधाई ज्ञापन समेत गरेको छ। अनुभवी प्राध्यापकहरूबाट अध्यापन हुने उक्त क्याम्पसले विविएसमा नयाँ भर्ना समेत खुला गरेको जनाइएको छ।
