बैकुण्ठ गिरी, क्यालिफोर्निया ।
नर्दन क्यालिफोर्नियामा रहेको नेपालीहरुको पुरानो संस्था नेपाली एशोसियसन नर्दन क्यालिफोर्निया (नान्स)ले अप्रिल ७ तारेख आइतवारको दिन अर्थात नेपाली नयाँ बर्ष २०८१ को अवसरमा बृहत्त पिकनिकको आयोजना गरेको छ ।
न्यान्सले विगतका बर्षहरुमा पनि नेपाली नयाँ बर्षको उपलक्ष्यमा पिकनिकको आयोजना गरेको र यस बर्षको पिकनिकलाई बिशेष बनाइएको अध्यक्ष प्रितेश कार्कीले सुचना केन्द्र डटकमलाई बताउनु भएको छ ।
पिकनिकमा लाइभ संगीत, नृत्य र अन्य सांस्कृतिक कार्यक्रमहरु राखिएको छ भने विगतका बर्षहरुमा झै राफेल ड्रको साथै आकर्षक पुरस्कारहरुको ब्यवस्था पनि गरिएको छ । नेपाली खानाका स्वादिष्ट परिकारहरुका साथै BBQ Local Napa Valley Goat & Chicken को ब्यवस्था गरिएको नान्सले जनाएको छ ।
लोकप्रिय गायिका जुना प्रसाईले नयाँ बर्षको अवसरमा नान्सले आयोजना गर्ने पिकनिकमा आफूले सांगितिक प्रस्तुती दिने जानकारी दिएकी छन् । कार्यक्रममा गायिका प्रसाईको अलावा बे एरिया र वरपर रहेका स्थानीय नेपाली कलाकारहरुले पनि भब्य प्रस्तुती हुनेछ ।
नयाँ बर्षको अवसरमा सबै नेपालीहरुविच एकताबद्ध भएर मनाइने पिकनिकले नेपालीहरुलाई भावनात्मक रुपमा जोड्ने बताउदै सबैलाई पिकनिकमा सहभागिताको लागि आयोजक संस्था नान्सले आव्हान गरेको छ ।
पिनिकमा रिचमण्ड सिटीका मेयर इडुआर्डाे मार्टिनेजको बिषेष सहभागीता रहने अध्यक्ष कार्कीले जानकारी दिएका छन् भने पिकनिक आइतवार १२ बजेवाट शुरु भई ५ बजेसम्म चल्ने नान्सको सूचनामा उल्लेख गरिएको छ ।
कार्यक्रम ९०० Dornan Dr Richmond मा हुने छ भने पार्किगको ब्यवस्था पनि मिलाइएको जानकारी नान्सले दिएको छ । साथै यस क्षेत्रमा रहेका सबै नेपाली दाजुभाई दिदि बहिनीहरुलाई चुले निम्ता रहेको पनि जनाएको ।
