पर्वत । सरकारले शुरु गरेको स्वास्थ्य बिमाको प्रभाव क्षेत्र बढ्दै गएको छ । पर्वत जिल्लामा पछिल्लो तथ्यांक अनुसार ३० प्रतिशत जनताले स्वास्थ्य बिमा गरेका छन् । स्वाथ्य बोर्ड पर्वत कार्यालयका अनुसार जिल्ला भरका कुल लाभान्वित संख्या मध्ये ३० प्रतिशत जनता बिमाको पहुँचसम्म पुगेका हुन् ।
स्वास्थ्य बिमा अन्तर्गत १ लाख बराबरको निशुल्क स्वास्थ्य उपचार हुने गर्दछ । सरकारले शुरुवात गरेको स्वास्थ्य बिमा कार्यक्रम प्रत्येक बर्ष विमितको संख्या बढ्दै गएको स्वास्थ्य बिमा बोर्ड पर्वतकी कार्यालय प्रमुख टिका कुमारी श्रीसले जानकारी दिइन । स्वास्थ्य विमा अन्तर्गत पर्वत जिल्लाका ६१ वडाहरु मध्ये कुल १ लाख ३० हजार १ सय ५१ मध्ये हालसम्म कुल ३८ हजार ५ सय १४ जनाले स्वास्थ्य बिमा गराएका छन् । यो संख्या कुल संख्याको ३० प्रतिशत हो ।
विमितहरु मध्ये सवै भन्दा धेरै प्रतिशत मोदीको बाजुङमा ६७.६३ प्रतिशतले स्वास्थ्य बिमा गराएका छन् । यसैगरी सवैभन्दा कम बिमित प्रतिशत भने महाशिलाको बालकोटमा छ ।
स्वास्थ्य बिमा मार्फत ५ जना परिवारले बार्षिक ३ हजार ५ सय रुपैंया प्रिमियम रकम तिर्नुपर्ने हुन्छ । जेष्ठ नागरिकका लागि भने सरकारले निशुल्क विमा गर्ने नीति लिएको छ ।
