पर्वत । बिप्लव नेतृत्वको नेकपा पर्वतद्धारा निर्वाचन खारेज गरौं भन्दै वाल पेन्ट तथा पर्चा बितरण गरेको छ । आज पर्वत जिल्लाका बिभिन्न स्थानहरुमा पर्चा बितरण तथा पुजिवादी संसदीय निर्वाचन खारेज गरौं भन्ने नारामा भित्तेलेखन गरेको नेकपामा केन्द्रिय सदस्य तथा पर्वत जिल्ला ईच्चार्ज बिकिरण ले बताउनु भयो ।
आज पर्वतको डिमुवा पातिचौर क्षेत्रमा भित्ते लेखन तथा पर्चा बितरण गरीएको छ भने यो निर्वाचन खारेज अभियानलाई जिल्ला भरी नै चलाईने उहाँले बताउनु भयो । निर्वाचन बहिस्कार गरौं भन्ने पर्चाहरु जिल्लाभर फलेवास बिहादी महाशिला पैयु जलजलामा पनि पठाएको छ । अब जनताको बिचमा जाने अभियान पनि चलाउने उहाँको भनाई थियो ।
निर्वाचन खारेज अभियानलाई राजनैतिक एजेण्डाको रुपमा स्थापित गर्न र यो संसदीय पुजीवादी ब्यावस्थाले जनताको समस्या समाधान नगर्ने भन्दै यो अभियान चलाउन परेको नेकपा पर्वतका सेक्रेटरी कृष्ण बि.क. किरणले बताउनु भयो ।।
