सुचनाकेन्द्र संवाददाता प्रकाशित : २०७८/६/१३ गते
काठमाडौँ, । नेकपा (एकीकृत समाजवादी) का ६ जना नेताहरु मन्त्री बन्ने भएका छन् । गठबन्धनले आफ्नो पार्टीलाई ६ वटा मन्त्रालय दिने भएपछि पार्टी अध्यक्ष माधव नेपालले सरकारमा सहभागी हुने नेताहरूको नाम टुंगो लगाएका हुन् ।
आइतबारदेखि नै छलफल गर्दै सोमबार साँझसम्म अध्यक्ष नेपालले ६ जनाको नाम टुंगो लगाएका छन् । समाजवादीबाट विरोध खतिवडा, प्रेम आले, रामकुमारी झाँक्री, मेटमणि चौधरी, जीवनराम श्रेष्ठ र किसान श्रेष्ठ मन्त्री बन्ने पक्का भएको हो ।
यससँगै चाँडै मन्त्रिपरिषद विस्तार हुने बुझिएको छ ।
