पर्वत । अमेरिकी परियोजना मिलिनियम च्यालेन्ज कर्पोरेसन (एमसीसी) सम्झौताको जनस्तरमा ब्यापक बिरोध चलिरहेको बेला नेत्र बिक्रम चन्द बिप्लव नेतृत्वको नेपाल कम्युनिष्ट पार्टी, क्रान्तिकारी माओवादी र नेकपा मालेले सरकारले जनभावना बिपरीत, राष्ट्रहित विपरीत रहेको सम्झौता संसदबाट पारित गर्ने जोडबलमा लागेको भन्दै संयुक्त मोर्चा बनाई बिरोध पर्दशन सम्पन्न गरेको छ ।
आज पर्वतको मोदी गाउँपािलका डिमुवा बजारमा एक पर्दशन कार्यक्रम आयोजना गरी एमसीसी खारेज गर्नु पर्ने माग राखेको छ । कार्यक्रममा बोल्दै नेकपा पर्वतका कार्यालय सचिव कृष्ण बिक किरणले एमसीसी सम्बन्धी सबै कार्यक्रम नेपालमा तत्काल बन्द नगरिए परिणाम भयावह हुने चेतावनी दिए ।
त्यस्तै बिरोध प्रर्दशनमा बोल्दै नेकपा मालेका केन्द्रिय सदस्य याम बिकले एमसीसी पारित गरेर नेपाललाई अफगानिस्तान जस्तै युद्धभूमि बनाउने षड्यन्त्र बन्द गर्न भन्दै झण्डै अर्वोै भन्दा बढी रकम स्वाहा बनाइसकेको एमसीसी सम्बन्धी सबै कार्यक्रम बन्द नगरिए आन्दोलनको आधिबेहरी ल्याउने चेतावनी दिए ।
बिरोध प्रर्दशनमा क्रान्तिकारी माओवादीका नेता महान गुरुंगले एमसिसि जस्तो राष्टघाती सहमति तत्काल खारेज गर्नुको सट्टा संसद्बाटै पास गराउनु नेपाली राजनीतिक इतिहासमा सबैभन्दा ठूलो भूल र कलङ्क हुने बताए ।
उनले भने यो सहमति संसद्बाटै पारित हुने वा कुनै पनि बहानामा यो कार्यान्वयन हुने अवस्थामा नेपालको असंलग्न परराष्ट्रनीतिको विपरीत नेपाललाई अमेरिका वा यसको सैन्य गठबन्धनको कठपुतली बनाउने षडयन्त्र रहको पनि बताए ।
बिरोध प्रर्दशनमा नेकपा मोदी गाउँ पालिका इन्चार्ज प्रकाशजंग लामिछानेले पनि आफ्नो मन्तब्य राखेका थिए भने कार्यक्रमको संञ्चालन नेकपाका नेता टिका नेपालीले गरेका थिए ।
