पर्वत । नेपाल कम्युनिष्ट पार्टी निकट जन पत्रकार संगठन पर्वतको बिषेस बैठक सम्पन्न भएको छ । पर्वत कुश्माको पार्टी सम्पर्क कार्यालयमा बसेको बैठकले मदन चापागाईको संयोजकत्वमा ९ सदस्यीय भेला आयोजक समिति गठन गरेको बताइएको छ ।
जसको सदस्यहरुमा सदस्यहरु बिशाल बि.क., गणेश आचार्य, दिप बि.क., पुर्ण बहादुर बि.क., बिग्नेश परियार, बिस्वास बि.क., संगिता भण्डारी र बिनिता थापा रहेका छन् ।
बैठकमा प्रशिक्षण गर्दै नेकपाका केन्द्रीय सदस्य तथा पर्वत स्याङ्जा जिल्ला ईन्चार्ज बिकिरणले जनताको अधिकार रक्षार पार्टीको बिचारलाई जनताको बिचमा लैजान पत्रकारहरुको बिषेस भुमिका हुने बताउनु भयो । बर्तमान नेपाली समाजमा पत्रकारीता पनि बर्गिय भएको भन्दै बर्गीय पक्षधरतामा आफ्नो कलम चलाउन पत्रकारहरुलाई निर्देशन समेत दिनु भयो ।
त्यस्तै बैठकमा पर्वत जिल्ला सेक्रेटरी अनन्तले हरेक अबस्थामा जनतालाई सचेत बनाउने भुमिका पत्रकारहरुको भएको बताउनु भयो । स्थानिय तहहरुमा मौलाएको भष्टचार र बेथितीको बिरुद्धमा क्रान्तिकारी पत्रकारहरुले आवाज उठाउनु पर्ने समेत बताउनु भयो ।
बैठकमा नेकपा पर्वतका नेता ढक बहादुर क्षेत्री, दलित मोर्चा नेपाल पर्वतका ईन्चार्ज टीका नेपाली, युवा संगठनका नेता बिशाल लगायतले समेत समसामयीक बिषयमा चर्चा गर्नु भएको थियो ।
