SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/४/१६ गते
    ८०८ &#२३४६;&#२३३५;&#२३२५;

    पर्वत । देशभरको शिक्षकहरू विभिन्न माग राखी अनसनमा बसेका छन्। नेपाल शिक्षक महासंघ आह्वानमा ३४ बुँदे मागसहित एक दिने रिले अनसनमा बसेका हुन्।

    देशैभरका गाउँपालिका, नगरपालिका तथा महानगरपालिकाको कार्यालय र शिक्षा विकास तथा समन्वय इकाईको कार्यालयमा बिहान ८ बजेदेखि अपराह्न चार बजेसम्म रिले अनसनमा बसेका हुन्। जिल्ला आन्दोलन परिचालन समिति पर्वतका संयोजक तथा नेपाल शिक्षक संघ पर्वतका अध्यक्ष केशवप्रसाद भण्डारीका अनुसार शिक्षकहरुले विगतदेखि नै राख्दै आएका माग पूरा गराउन तथा राज्यसँग भएका विगतका सहमतिहरू कार्यान्वयन गराउनको लागि चौथो चरणको आन्दोलनअन्तर्गत अनसनमा बसेका हुन्।

    गुणस्तरीय शिक्षाका लागि बजेटको २० प्रतिशत भाग शिक्षा क्षेत्रका लागि छुटाउनुपर्ने, शिक्षा ऐन जारी गर्नुपर्ने, शिक्षण काउन्सिलको व्यवस्था हुनुपर्ने, संवैधानिक राष्ट्रिय शिक्षा आयोग गठन गर्नुपर्ने, राहत, साविकको उच्च मावि र बाल कक्षाका शिक्षक कोटालाई स्वीकृत दरबन्दीमा परिणत गरी उमेरको हद नलाग्ने गरी आन्तरिक/खुला प्रतियोगितामार्फत स्थायी गरिनुपर्ने, स्थायी शिक्षकलाई हरेक १० वर्षमा एक तह आवधिक बढुवाको प्रबन्ध हुनुपर्ने शिक्षकहरूको माग छ।

    यस्तै‚ निजी विद्यालयमा कार्यरत शिक्षक तथा सामुदायिक विद्यालयमा निजी स्रोतमा काम गरिरहेका शिक्षक तथा कर्मचारीहरूलाई सामाजिक सुरक्षा कोषको व्यवस्था गरिनुपर्ने, प्राविधिक ग्रेडको व्यवस्था हुनुपर्ने, शिक्षक अस्पतालको व्यवस्था हुनुपर्ने, महिला शिक्षकलाई सुत्केरी बिदा ६ महिना दिनुपर्ने र त्यो अवधिमा विद्यालयले सट्टा शिक्षक राख्न पाउनुपर्ने, शिक्षक सेवा आयोगमा तत्कालै पदाधिकारी नियुक्त गर्नुपर्ने, सबै शिक्षकले कोरोनाविरुद्धको खोप नपाएका कारण सबैलाई खोपको पहुँचमा ल्याउनुपर्ने लगायतका मागहरू पनि आफ्ना ३४ बुँदे माग पत्रमा समेटिएको अनसनमा रहेका शिक्षक संघ पर्वतका उपाध्यक्ष गोविन्दप्रसाद पोखरेलले बताए।

    आन्दोलन परिचालन समिति पर्वतका संयोजक भण्डारीका अनुसार पहिलो चरणमा गत वैशाख २० गते आन्दोलन भएको थियो। चरणवद्ध रूपमा आन्दोलन गर्दा पनि मागको विषयमा सुनुवाइ गर्न सरकार गम्भीर नभएकाले चौथो चरणमा समन्वय इकाईमा दुई महिला र तीन पुरुष गरेर पाँचजना शिक्षक तथा स्थानीय तहमा एक महिला र दुई पुरुष गरेर तीन जनाले पालैपालो अनसन बसिरहेका छन्।

    प्रतिकृया दिनुहोस्

    Loading...

    खेलकुद महोत्सवमा आयोजित अन्तर जिल्लास्तरीय भलिबल प्रतियोगिताको उपाधि,स्याङ्जालाई

    पर्वत । गण्डकी प्रदेश स्तरीय बृहत खेलकुद तथा सास्कृतिक महोत्सव पर्वतमा सम्पन्न अन्तर जिल्ला स्तरीय...

    कुश्मामा आज बद्री पंगेनीले आफ्नो प्रस्तुती राख्ने, तिम्रो राशी तुला पर्यो

    पर्वत । कुश्मामा जारी गण्डकी प्रदेश स्तरीय खेलकुद महोत्सवमा आज लोकगायक बद्री पंगेनीले आफ्नो प्रस्तुती...

    मुटु सम्वन्धी निशुल्क स्वास्थ्य शिविर हुने

    शिशिर, पोखरा। पोखराको बाटुलेचौरमा मुटु सम्वन्धी निशुल्क स्वास्थ्य शिविर हुने भएको छ । पोखराकै अग्रणी...

    काँक्रोको बीउ उत्पादन गरेर छ करोड रुपैयाँ आम्दानी

    पर्वत। जिल्लाको फलेवास नगरपालिका–११ पाङ्राङका कृषकले काँक्रोको बीउ बिक्री गरेर रु छ करोड आम्दानी गरेका...

    “पर्वतमा एचपिभि खोप लगाउन शुरु”

    पर्वत । पर्वतमा महिलाहरुको पाठेघरको मुखमा हुने क्यान्सर विरुद्धको एचपिभि खोप लगाउन शुरु भएको छ...

    Loading…

    फेसबुकमा हामीलाई लाईक गरौं