सुचनाकेन्द्र संवाददाता प्रकाशित : २०७८/१/६ गते
पर्वत । गायिका अस्मिता अधिकारीको स्वर, सागर खरेलको शब्द तथा कृष्ण पाण्डेको संगीतमा तयार भएको ‘केही कमी’ बोलको गीतको म्यूजिक भिडियो सार्वजनिक भएको छ ।
आफ्नो प्रेमीको अभाव महशुश गरिरहेकी एक यूवतीको भावनालाई समेटर यो गीत तयार भएको छ । गीतको भिडियोलाई निर्देशक विकास सुवेदीले अडियो अनुसार नै उतारेका छन् ।
रंग पत्रकारितामा सक्रिय विकासको यो डेब्यू निर्देशन हो । उनले, यो भिडियोबाट निर्देशनमा संभावना देखाएका छन् ।भिडियोमा मोडल सुधिर श्रेष्ठ र अनिषा पोखरेलको अभिनय हेर्न सकिन्छ । विकास ज्ञवालीको सम्पादन रहेको भिडियोमा यूवराज न्यौपानेको छायांकन छ । विमल सुवेदीको लगानीमा बनेको भिडियोमा आशिष नेपालको सह–निर्देशन छ ।
