काठमाडौँ- निर्देशक तथा कोरियोग्राफर मौसम हिमालीको निर्देशनमा शंकर पन्तको ‘तर्किने माया…’ बजारमा सार्बजनिक भहेको छ । हिमाली पछिल्लो समयका ब्यापक रुचाइएका निर्देशक हुन् । दर्जनौं भिडियोहरु बजारमा ल्याइसकेका हिमालीले भर्खरै मात्र ‘तर्किने माया…’ सार्बजनिक गरेका हुन् ।हिमालीले गीतका भावअनुसार आफूले निर्देशन गरेको बताए ।
‘गीतको शब्द, संगीतलाई सकेसम्म म्युजिक भिडियोमा जस्ताको त्यस्तै उतार्ने प्रयास गरेको छु’, उनले भने, ‘यो गीत दीर्घकालसम्म सुन्न र हेर्नका लागि मैले उत्तम ठानेको छु ।’ उनले सबै टिमलाई धन्यावाद समेत दिएका छन् ।गायक शंकर पन्त र गायिका देबी घर्तिको आबाजमा आएको उक्त गीतको लय, शब्द पशुपति शर्माले गरेका छन् ।
केशब बडूको संगीत संयोजन रहेको उक्त गीतले छोटो समयमा नै सबैको रुचाइमा पर्न सफल भएको छ । भिडियोमा मोडल रमेश थापा र आकृति पाठकको दमदार अभिनय देख्न सकिन्छ । करण चैसिरको छायांकनमा तयार गरिएको भिडियोको सम्पादन मनोज कार्कीले गरेका हुन् ।
