पोखरा । संसार यति बेला कोविद १९ अर्थात कोरोनाले आक्रन्त छ । कोरोनाकै कारण धेरैले ज्यान गुमाएका छ्न । हरेक देशले यस्को नियन्त्रणका लागि लगडाउन गरेर ठूलो धनराशी लगानी गरेका छन र पनि कोरोना फैलिने गति झन बढ्दो छ । यसका बारेमा सर्जकहरुले साहित्यक रचना र गीत संगीतका माध्यमद्वारा जनचेतना पनि जगाई राखेका छन । नेपालकै सन्दर्भ पनि यस्ता थुप्रै कृतीहरु बजारमा आएका छन । यसै क्रममा लोकप्रिय गायिका तुलसी क्षेत्रीले ‘कोरोनाले बिचल्ली बनायो बोलको गीत गीत बजारमा लिएकी छिन ।
उक्त गीतमा कोरोनाका कारण समाजका तल्लो बर्गदेखि माथिल्लो बर्गासम्मका नागरिकहरुले भोग्नु परेको आर्थिकदेखि अन्य संकटको बिषयबस्तुलाई समेटीएको छ । गीतमा रोजगारीको शिलशिलामा बैदेशिक रोजगारीमा रहेका नेपालीहरुलाई स्वदेश फर्किनका लागि ती देशहरुले दिएको दवाब र नेपाल सरकारले उद्धार गरी ल्याउन नसकेको अवस्थामा उनीहरुले भोग्नु परेको पिडालाई पनि समेटीएको छ ।
https://www.youtube.com/watch?v=opk7msLxIyA&t=92s
उक्त गीतलाई प्रसिद्ध गीतकार सुमन श्रापितले रचना गरेका हुन । यो गीत उनको कोरोना संबन्धी रेकर्ड भएर आएको तेस्रो गीत हो । यश “कोरोनाले बिचल्ली बनायो” गीतलाई संगीत चर्चित गायिका पार्वती जि.सीले गरेकी हुन । स्वरमा तुलसी क्षेत्रीलाई चर्चित गायिका पार्बती जि.सी.ले पनि साथ दिएकी छिन । एल.बी. पुनको संगीत संयोजन रहेको गीतलाई पुन डिजिटल, पोखरामा रेकर्ड गरिएको हो भने यसको भिडियो निर्माण संचारकर्मी एवम निर्देशक सन्जु सुनारले गरेका हुन । यस गीतलाई ‘बसाई अफिसियल यूट्युब च्यानल’बाट सार्वजनिक गरिएको छ ।
