पर्बत,कुश्मा । यहि बुधबार मात्र बालुवाटारमा बसेको मन्त्रिपरिषद् बैठकले लकडाउन जेष्ठ ५ गते सम्म लम्ब्याउने निर्णय गरेको थियो। कोरोनाभाइरसको संक्रमण फैलिन नदिन सरकारले गत चैत ११ गतेदेखि लकडाउन गरेको थियो। पछिल्लो पटक थपिएको लकडाउनको अवधि हिजोमात्र सकियो ।लकडाउनकै अवधिमा नेपालमा कोरोनाको संक्रमण भने बढिरहेको छ।
लकडाउन सुरू हुँदा नेपालमा २ जनामात्र कोरोना संक्रमित थिए भने अहिले १०१ जना पुगेका छन्। लकडाउन लाई कडाई गर्ने भने पनि पर्बत कुश्मामा भने कोरोनाभाइरस बाट कसरी जोगिनेभन्दा पनि प्रशाशन लाई अटेरी गरी बजार भित्र बिनापासका सबारी साधन गुड्ने र अत्यावश्यक पसल बाहेक अन्य पसलहरु पनि खोलिने गरेका छन्।
प्रमुख प्रशासकिय अधिकृत घनश्याम गौतमद्धारा जारी सूचनामा बन्दाबन्दीको अवधिमा अत्यावश्यक पसल बाहेक अन्य पसलहरु बन्द गर्न आग्रह गरिए पनि सूचना लाई बेवास्ता गरि केहि होटल, मोवाईल पसल, शृंगारपसल र केहि फेन्सी पसलहरु दैनिकी जसो खुलिरहेका छन् भने केही दिन यता लक डाउन उल्लंघन गर्ने क्रम बढ्दै जान थालेको छ। लक डाउनलाई थप प्रभाबकारी बनाउन बजारभित्र थप कडाई गरिए पनि हिजो सम्म पनि अत्यावश्यकका पसल बाहेक अन्य पसलहरु खोलेर भिडभाड जम्मा गर्ने कार्य भने जारी नै थियो।
चेकिंग जाँदा बन्द गरेजस्तो गर्ने पछि फेरी सटर खोलेर बस्ने नियमित जस्तोनै बनेको छ कुश्मा बजारमा। ब्यक्तिहरुको आवतजावतमा पनि अगीपछिको भन्दा कम देखिदैन भने चोक र पसल अगाडी ग्रुप जम्मा भएर गफ गर्ने हरुको पनि कमि देखिदैन ।कोरोनाको माहामारी फैलिरहेको बेलामामा यसरि प्रशासनको सूचनालाई पनि अबज्ञागरि लुकिछिपी पसल खोल्ने भिडभाड जम्मा हुनेहो भने संक्रमण फैलने जोखिम बढ्दो देखिन्छ कुश्मा पनि त्यसैले बेलैमा सचेतहुन जरुरी देखिन्छ।
