ध्रुब केसी

आएको छ पसिनाको काम बासना
पक्कै उ मजदुर हुनुपर्छ ।
अनि मजदुर संगठनको नेतालाई
आनन्द भरपुर हुनुपर्छ।
उता सरकारको मान्छे भिर बाट लड्यो
शक्तिकै कारण उ सहिद हुन्छ।
अनि यता गन्हाएको छ मजदुरको लास
तर मुचुल्कामा भने उ भर्खर मरेको हुन्छ।

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।
बर्तमान भबिस्य कुनै फिक्री छैन
बिगत जीवन भरको कसिंगर हुन्छ।
महलको दुख महलले बुझ्छ, झुपडिको झुपडिले
अरे मजदुरको दुख कहिल्यै बुझ्दैन
पुजिपतीको खोपडिले
दिनभरी प्रचण्ड घाममा पसिनाको मोति बगाउने
मजदुर थाहा छैन सन्ध्यामा चिसो चुलो बल्छ या बल्दैन। खेतबारीमा दस नङ्ग्रा खिएयर उ
सृष्टिको पालन कर्ता बन्छ।
अनि हिलोमा अरुले बोकेर पारी लगिदिनुपर्ने
महासय कृषिमन्त्री बन्छ।
सबेरै झिसमिसेमा चराहरुको चिरबिर संग
काधमा देश बोकेर बिउझिन्छ
अनि जिवनको घन पिटिरहेको हुन्छ,
बारम्बार आफ्नो भाग्यको आरनमा उ,
धर्ती ओछ्याएर आकास ओडेर आधा पेटमा नै
अघाएको छ, धुलोको श्रीङ्घारमा सजिएर
पसिनाको सुगन्ध छरिरहेको छ त्यसैले
उ मजदुर हो।