सम्राट जिसी, रुपन्देही । राष्ट्रिय युवा संघ नेपालको केन्द्रीय कार्यालय पेरिसडाँडामा बसेको बैठकले संयोजक कमरेड रामप्रसाद सापकोटा ‘दीपशिखा’को अध्यक्षतामा र इन्चार्ज कमरेड महेश बस्नेतको विशेष उपस्थितिमा बैठकले महत्त्वपूर्ण निर्णयहरु गरेको छ।
एक दुई दिनमै एकताका साबै प्रक्रिया टुंगाउने र सबै जिल्लाहरुले चैत्र १५ गतेभित्र संगठनात्मक एकताको काम टुङ्गो लगाइ सपथ कार्यक्रम अनिवार्य रुपमा सम्पन्न गर्ने । साथै राष्ट्रिय युवा संघ नेपालका केन्द्र र प्रदेश स्तरका एकताका बाँकी कामलाई यथासिघ्र टुंगो लगाउने निर्णय गरेको छ।
कोरोना संक्रमण रोकथाम प्रभाबकारी बनाउन संगठनका सबै सदस्यलाई जिम्मा दिने गरि छलफल जारी रहेको राष्ट्रिय युवा संघका केन्द्रिय सदस्य सुबोध सेर्पालीले बताए । “जहाँ समस्या त्यहाँ रायुवासंघ नेपाल” भन्ने मान्यतालाई हामी व्यबहारिक रुप दिन तत्पर रहेको जनाए ।
