SuchanaKendra

  • Radio Kushum


  • आज : २०७८ कार्तिक १० गतेPreeti to UnicodeUnicode to PreetiRoman to UnicodeDate Converter
    सुचनाकेन्द्र संवाददाता प्रकाशित : २०७६/११/१ गते
    २५५ &#२३४६;&#२३३५;&#२३२५;

    रबिन्द्र यादव / नवलपरासी पुर्व । हिन्दु र मुसलमान समुदायको संयुक्त धार्मिक अास्थाको केन्द्र मदारबाबा मेला शुरु भएको छ ।मजारको मुख्य समाधिस्थल पूजास्थलमा मुख्य पीठाधीश हनिफ मिया बिहिवार नै पुगेपछि मेला शुरु भएको हो । मदारबाबाको मेला लाग्ने स्थल नवलपरासी बर्दघाट सुस्ता पुर्वको विनयी त्रिवेणी गाउँपालिका ६ प्रसैया बाट साढे ९ किमी पहाडी क्षेत्रमा पर्छ ।

    मदारबाबाको मजारमा पुग्नका लागि लामो समय र अप्ठ्यारो बाटो तय गर्नुपर्ने हुन्छ । महलबारी र प्रसैया गाउँबाट निकै कठिनाइपूर्वक साढे ९ किमी पहाडीयात्रा गरेर बाबाको समाधिस्थल जानुपर्छ । मेलामा नेपालका साथै भारतका विहार, उत्तरप्रदेश , दिल्ली, मुम्बई, बिहार, बंगाल र बंगलादेश लगायत विभिन्न स्थानबाट १० लाखभन्दा बढी भक्तजन आउने अनुमान गरिएको छ ।

    मेला करिब ४० वर्षयता निरन्तर लाग्दै आएको छ । यस वर्षको मेला फागुन १ गते देखि ९ गतेसम्म चल्ने छ । मेलामा आउने भक्तजनको सुविधा र व्यवस्थापनका लागि स्थानीय मदार बाबा मजार संरक्षण संस्थाले काम गरेको समितिका वरिष्ठ उपाध्यक्ष मो. रफी चुडिहारले बताए ।

    मेला मुस्लिम धर्मावलम्बी मान्यतानुसार महान्ऋषि बदिउद्दिन शाहको ६०३औं वार्षिकीका रूपमा मनाइँदै छ । विकट र दुर्गम पहाडमा पूजापाठ गर्न आउने भक्तजनले भाकल गरेको पुग्ने विश्वास छ । सन्तान नहुने दम्पतीले सन्तान पाउने, दीर्घरोगी निको हुने र भुतप्रेतको नष्ट हुने लगायत मान्यता र विश्वास भएकै कारण मेलामा आउने भक्तजनको संख्या दिनानुदिन बढ्दै गएको पीठाधीश बाबा हनिफ मियाले बताए ।

    श्रद्धाको यस केन्द्रमा चार महत्वपूर्णस्थान छन् । महलबारीमा मस्जिद तथा गुद्दरबाबा, चावलधोइ र उच्च पहाडमा मदारबाबास्थान छन् ।। यसै स्थानमा पुग्न सक्नुलाई सुखको मुहान खुल्नुसरह मानिन्छ । मुख्य केन्द्रका रूपमा रहेको यस स्थानमा बाबा आसीन हुने र त्यहाँ पुग्ने भक्तजन बाबाको आशिष लिई फर्कने गर्दछन । ऐतिहासिक मेलामा हिन्दू र मुसलमान दुवै धर्मका व्यक्ति श्रद्धाका साथ जाने गर्छन् । हिन्दू मुसलमान दुवै धर्मका मान्छे एकै स्थानमा श्रद्धाका साथ आउने संस्थाका चुडिहारले बताए ।

    मेलामा अत्यधिक भीड हुने भएकाले मेला व्यवस्थापन, शान्ति सुरक्षा, सडक मर्मत, खानेपानी,स्वास्थ्य, व्यवस्थापनलगायत आवश्यक सबै तयारी मिलाइएको संस्थाका अध्यक्ष निजामुद्दिन मियाँले बताउनु भयो । आजभन्दा ६०३ वर्ष पहिले यहाँ मुसलमान समुदायका धर्मगुरुले यस क्षेत्रमा समाधिस्थल बनाई पूजाआजा गरेकामा बाबा मरेपछि पछिल्लो ४० वर्ष अघिदेखि प्रत्येक वर्ष बाबाको सम्झनामा मेला लागेको मेलाका वर्तमान पीठाधीश मियाले बताए ।

    प्रतिकृया दिनुहोस्

    Loading...

    आइशा गर्ल्स कालेजमा युनिसेफद्वारा दिइएको शैक्षिक सामाग्री वितरण

    कपिलवस्तु, कृष्णनगर, | कपिलवस्तु जिल्लाको कृष्णनगर नगरपालिका वडा नं ३ मा रहेको आइशा गर्ल्स कालेजमा...

    प्रधानन्यायाधीशको राजीनाको विपक्षमा एमाले

    नेकपा एमाले एकाएक युटर्न भएको छ । सिंगो न्यायालयको धज्जी उडाउन मेनरोल खेलेको आरोप खेपेका...

    मानव वेचविखनवाट पीडित तथा प्रभावितहरूको सहयोगका लागि वार्षिक छलफल कार्यक्रम कृष्णनगरमा सम्पन्न 

    कृष्णनगर, कपिलवस्तु, | मानव वेचविखनवाट पीडित तथा प्रभावितहरूको सहयोगका लागि वार्षिक सार्वजनिक छलफल एकदिने कार्यक्रम...

    नेपाल बारले माग्यो प्रधानन्यायाधीशको राजीनामा

    काठमाडौं । कानुन व्यवसायीहरुको छाता संस्था नेपाल बार एशोसिएसनले पनि प्रधानन्यायाधीश चोलेन्द्रशम्सेर जबराको राजीनामा मागेको...

    पाँचथर बस दुर्घटनामा घाइते भएका दुई जनाको मृत्यु !

    पाँचथर। फिदिम नगरपालिका -४ सरखण्डेमा भएको बस दुर्घटनामा घाइते भएका दुई जनाको मृत्यु भएको छ...

    Loading…

    फेसबुकमा हामीलाई लाईक गरौं