पर्वत । पर्वत उद्योग बाणिज्य संघको आयोजनामा यहि माघ ९ गते देखि १९ गतेसम्म बढागाउँ चौरमा हुन लागेको महोत्सवको ८० प्रतिशत काम सकिएको आयोजक संस्था पर्वत उद्योग बाणिज्य संघले जानकारी दिएको छ ।
महोत्सव परिसरमा आज आयोजना गरिएको पत्रकार भेटघाट कार्यक्रममा महोत्सवका प्रचार बिभाग प्रमुख ठाकुर बि. पौडेलले उक्त कुरा बताएका हुन । पौडेलका अनुसार बाहिरी रुपमा गर्नुपर्ने तयारी लगभग ८० प्रतिशत बढी सकिएको जानकारी दिए ।
यस्तै पत्रकार भेटघाट कार्यक्रममा बोल्दै महोत्सवका मुल संयोजक तथा पर्वत उद्योग बाणिज्य संघका अध्यक्ष केदारनाथ शर्माले सबैको सहयोगले मुख्य प्रायोजक र प्रायोजकहरुको उत्साहपुर्ण सहभागिता रहेको बताए । बिगतमा महोत्सवको लागि ब्यक्ती जग्गा खोज्नुपर्ने कामबाट मुक्त भैरहेको र महोत्सव स्थल निर्माणमा कुश्मा नगर पालिका, जिल्लाका सबै जनप्रतिधिहरु, स्थानिय सरकार, प्रदेश सरकार र केन्द्र सरकारको बिषेस सहयोगले काम अगाडी बढीरहेको बताए ।
महोत्सवका बारेमा आफ्नो धारणा राख्दै बरिष्ठ उपाध्यक्ष गोपी अधिकारीले आर्थिक रुपमा बिगतको जस्तै यसपालीको महोत्सव पनि सफल हुने बताए । अधिकारीले भने महोत्सवमा बिषेस पास प्याकेजको ब्यबस्था गरिएको र बजारमा आजबाट नै प्याकेज टिकटको काम शुरु गर्न लगोको बताए । साथै महासचिव गणेश लामिछानेले महात्सवमा बोलाउनु पर्ने पाहुना तथा आगन्तुकहरुलाई पत्र पठाईएको र महोत्सवलाई भब्य रुपमा सफल पार्न सबैको सहयोग उल्लेख्य रहेको बताए ।
महोत्सव यसपाली आफ्नै खुल्ला चौरमा हुनेछ । महोत्सवका बिषेस आर्कषणको रुपमा स्वदेशी तथा बिदेशी उत्पादनका स्टलहरु, रमाईलो मेला हरेक दिन राष्टीय तथा स्थानिय कलाकारहरुको प्रस्तुतीहरु, बिभिन्न प्रकारका खेलहरु रहनेछन् ।
